ఏది పాపం.. ఏది పుణ్యం..

దేవుడు మనకిచ్చిన బహుమతి విచక్షణ. దేన్నయినా పరిశీలించి, పరిశోధించి ఒక నిర్ణయానికి రావడమే విచక్షణ అని పరిశుద్ధ గ్రంథం బైబిల్‌ మనకు తెలియజేస్తోంది.

మాట్లాడేటప్పుడు మంచి మాటలే మాట్లాడాలి. సరైన నిర్ణయాలు తీసుకోవాలి. యేసు ప్రబోధలకు అనుగుణంగా నడుచుకుంటే ఏ ఇబ్బందీ రాకుండా ఆయనే రక్షిస్తాడు. మేలైనవి అని తెలిసి కూడా వాటిని అమలుచేయని వారికి పాపం కలుగుతుంది అంటోంది బైబిల్‌. అంటే ఏది మంచిదో ముందు తెలుసుకోవాలి. అందుకోసం జ్ఞానం సంపాదించాలి. అప్పుడు ఆలోచనాపటిమ పెరుగుతుంది. జ్ఞానాన్ని పెంచుకున్నకొద్దీ విచక్షణ పెరుగుతుంది. మంచేదో, చెడేదో సులభంగా తెలుసుకోగలం. ఈ క్రమంలో ఒకరికి హాని కలిగిస్తాయనుకున్న ఆలోచనలను వదిలేయాలి. అలాంటి మార్గాన్ని అనుసరించకుండా జాగ్రత్తపడాలి. మనం ఇతరులకు మేలు చేయాలి, ఫలితంగా పరలోకరాజ్యం చేరాలన్నదే ఈ వాక్య ఉద్దేశం.
పూసపాటి  విజయరాజు