దృఢచిత్తమే ముఖ్యం

ఎంత క్లిష్ట విషయాన్నయినా హృదయాన్ని తాకేట్టు చెప్పగల గొప్ప ఆచార్యుడు ఏసు. అందుకే ఆయన వాణి ప్రపంచమంతా నేటికీ ప్రవహిస్తోన్న అమృతవేణి. ఒక విషయాన్ని ఆకళింపు చేసుకోవాలంటే ఏకాగ్రత, నిశిత దృష్టి అవసరమని చెబుతూ ‘సారవంతమైన నేలలో రైతు నాటిన విత్తనాల్లా మొలకెత్తి మంచి పంటలను అందించాలే గానీ దారిలో పడిన గింజల్లా కాదు. పైగా వాటిని సాతాను అనే పక్షులు వచ్చి తినేస్తాయి. రాతినేలలో పడినా నిష్ఫలితమే. అలాగే ముళ్లకంపలో వేసిన విత్తనాలూ వృథా ప్రయాసే. చుట్టూ ఉన్న చెట్లు మొక్కను ఎదగనీయనట్లే ధనవ్యామోహం ప్రబోధలను గ్రహించనీయదు. అందుకే మీరంతా సారవంతమైన మంచి నేలలో మొలకెత్తి, మంచి పంట అందించాలి. పైపై ఆకర్షణలు, స్వార్థకాంక్షల కాలుష్యం చేరితే హృదయం వికసించదు. దృఢచిత్తాన్ని అలవరచుకోవాలి’ అంటూ వివరించాడు ఏసుప్రభువు.

డా.దేవదాసు