మనిషి ఎవరు?

‘నేను’ ఎవరు అనే ఆత్మశోధనే జీవ లక్షణం అంటారు. అయిదు దేహాలతో ఉన్న ఆత్మే మనిషి అని తైత్తరీయోపనిషత్తు వివరించింది. వీటిని అయిదు కోశాలని అభివర్ణించింది. ఆత్మను ఆధారంగా చేసుకుని ఈ పంచకోశాలు విధులు నిర్వర్తిస్తున్నాయని అభివర్ణించింది. అవి

అన్నాద్‌ పురుష - ఆహారంతో రూపుదిద్దుకున్న దేహం ... దీన్నే అన్నమయ కోశం అని అంటారు.

ప్రాణాద్‌ పురుష -ఊపిరి, ప్రాణంతో ఏర్పడ్డ దేహం.. ప్రాణమయకోశమని పిలుస్తారు.

మనోమయాద్‌ పురుష - మనస్సుతో ఏర్పడ్డ శరీరం.. దీన్ని మనోమయకోశమంటారు

విజ్ఞానమయాద్‌ పురుష - మేధస్సుతో కూడిన శరీరమే ఈ విజ్ఞానమయ కోశం.

ఆనందమయాద్‌ పురుష - దైవికమైన ఆనందంతో రూపొందిన దేహమిది. దీన్ని ఆనందమయకోశమని పిలుస్తారు.