మాఘ మాస ఘనత...

మాఘమాసం గొప్ప అంతా ఇంతా కాదు. లలితా అమ్మవారు మాఘ పౌర్ణమి రోజు పుట్టింది. సూర్యుడు, సరస్వతీదేవి పుట్టింది కూడా ఈ మాసంలోనే. శివుడు లింగ రూపం దాల్చింది మాఘ బహుళ చతుర్దశి నాడు. మా-అఘము అంటే పుణ్యాన్ని ఘనంగా ఇచ్చేదని, పాపాలను పోగొట్టేదనీ అర్థం. మాఘ పున్నమి నాడు కొద్దిపాటి పుణ్యకర్మలు చేసినా.. అవి అనంత ఫలితాన్నిస్తాయంటారు. ఈ మాసానికి అధిదేవత కేతువు. చంద్రుడు కేతు నక్షత్రమైన మేఘాల్లో ఉంటాడు కనుక మాఘమాసంగా స్థిరపడిందని ఇంకో కథనం. ఈ నెలలో నువ్వులను దానం చేయడం మంచిది. మాఘ శుద్ధ ఏకాదశి నుంచి మాఘ పున్నమి వరకు ఉన్న అయిదు రోజులను భీష్మ పంచకం అంటారు. ఈ అయిదు రోజులూ జపం, తపం, దానం, సముద్ర స్నానం చేస్తే పుణ్యం లభిస్తుందని నమ్ముతారు. వీటిని అంత్య పుష్కరిణి స్నానాలు అంటారు. రోజూ చేసే స్నానం శరీరపు మలినాలను పోగొడితే, అంత్య పుష్కరిణి స్నానం మనసులోని మాలిన్యాలను పోగొడుతుంది.

- లక్ష్మి