మంగళ శుక్రవారాల్లో ధనం ఇవ్వొచ్చా?

మంగళవారం కుజుడికి సంకేతం. కుజుడు ధరిత్రీ పుత్రుడు. అందువల్ల భూమిపై నివసించే మనందరి మీదా కుజ ప్రభావం ఉంటుంది. కుజుడు కలహకారకుడు. అందుకే మంగళవారం నాడు శుభకార్యాలు ఏవీ తలపెట్టరు. ఆ రోజు ఎవరికైనా ధనం ఇచ్చినట్లైతే అది తిరిగి రాకపోగా గొడవలకు దారితీస్తుంది అంటారు. ఇక శుక్రవారం లక్ష్మీదేవికి ఇష్టమైన వారం. అందుకే ఆ రోజు కూడా సొమ్ము ఇవ్వరు. ఈ నమ్మకాలతోనే మంగళ, శుక్ర వారాల్లో ఎవరికీ అప్పు ఇవ్వరు, దానం చేయరు. ఆఖరికి తాము తీసుకున్న రుణాన్ని కూడా ఆ రోజుల్లో తీర్చడానికి భయపడతారు. ధనాన్ని అదుపు చేయడానికి ఈ నమ్మకం ఉపయోగపడుతుంది అని కొందరంటే.. ‘ఆపదలో ఉన్నవారికి ధనసాయం చేయకపోతే ఎలా? దానివల్ల మేలు సంగతి అటుంచి కీడు ఒనగూరుతుంది’ అంటూ మానవతను ప్రబోధించేవారూ కొందరున్నారు.

మొల్లూరు అంజనా తమన్వి