ధర్మ సందేహం

ధర్మ సందేహం

ఆషాఢ మాసంలో మహిళలు గోరింటాకు ఎందుకు పెట్టుకుంటారు?

ఆషాఢంలో మహిళలు గోరింటాకు పెట్టుకోవడం ఒక ఆచారంగా మారింది. ఆషాఢం గ్రీష్మ, వర్ష రుతువుల సంధికాలంలో వస్తుంది. ఈ సమయంలో వాతావరణ ప్రభావం వల్ల అనేక సూక్ష్మక్రిములు వ్యాపిస్తూ ఉంటాయి. ముఖ్యంగా గాలిలో, నీటిలో వీటి తీవ్రత అధికం. వర్షాలతో ఇంటాబయటా తడిగా ఉంటుంది. ఇంటి పనుల్లో తరచూ నీటిని వినియోగించాల్సి వస్తుంటుంది. నీటితడి కారణంగా చేతులు, పాదాలు చెడే ప్రమాదం ఉంది. దీంతో సూక్ష్మక్రిముల ప్రభావం పెరుగుతుంది. చేతులు, పాదాల ద్వారా ఈ క్రిములు శరీరంలోకి ప్రవేశించకుండా గోరింటాకు రోగనిరోధకశక్తిగా పనిచేస్తుంది. అందాన్నిస్తూనే.. ఆరోగ్య సంబంధమైన ఒక రక్షాకవచంలా గోరింటాకు పనిచేస్తుంది.