లక్ష్మీదేవికి గణపతితో విరోధం

ధర్మ సందేహం
లక్ష్మీదేవికి గణపతితో విరోధం

వినాయకుడికి తులసిదళం సమర్పించకూడదని అంటారు ఎందుకు?

నాక్షతైహి అర్చయేత్‌ విష్ణుః నకేతక్యా శివం
నతులస్యా గణాధిపం అని చెబుతోంది ధర్మ శాస్త్రం. దేవతా పూజలన్నీ ఆగమశాస్త్రం ప్రకారం నిర్వహించాల్సి ఉంటుంది. విష్ణుమూర్తిని అక్షతలతో, పరమేశ్వరుణ్ని మొగలిపూలతో, వినాయకుడిని తులసిదళాలతో అర్చించరాదని ఆగమ శాస్త్రం చెబుతోంది. ప్రమథగణ అధ్యక్ష పదవి పొందిన వినాయకచవితి రోజు నిషేధాన్ని సడలించింది. మిగిలిన రోజుల్లో సమర్పించకూడదు. తులసి రూపంలో ఉన్న లక్ష్మీదేవికి, గణపతికి విరోధం ఏర్పడి శాపప్రతిశాపాలు ఇచ్చుకున్నారట. ఈ క్రమంలో వినాయకుడి పూజలో తులసి వినియోగించరాదని పురాణ కథనం.