కృతజ్ఞత చెల్లిస్తే..

ఇస్లాం సందేశం

అల్లాహ్‌ మనిషికి అసంఖ్యాకమైన వరాలు ప్రసాదించారు. మనిషికి ఎన్నో రకాల మేలు చేసిన దైవానికి కనీసం కృతజ్ఞత అయినా చెల్లిస్తున్నాడా? పైగా ఎలాంటి చిన్న ఇబ్బంది ఎదురైనా దైవాన్ని నిందిస్తూ కృతఘ్నత ప్రదర్శిస్తాడు. తనకు అంతులేని బాధలు వచ్చాయనీ నిష్ఠూరాలాడతాడు. వాస్తవంగా కృతజ్ఞతలు అల్లాహ్‌కు ప్రీతిపాత్రం చేస్తాయి. దైవ సాన్నిహిత్యానికి చేరువ చేస్తాయి. అందువల్లనే మానవ మహోపకారి అయిన అల్లాహ్‌ను స్తుతించాలని, కృతజ్ఞతలు చెల్లించాలని ప్రబోధించారు అంతిమ ప్రవక్త (స). దైవం ప్రసాదించిన వరాలను తలచుకుంటూ కృతజ్ఞతలు చెల్లించిన వ్యక్తికి తీర్పు దినాన అందరికంటే ముందుగా స్వర్గ ప్రవేశం లభిస్తుందని ప్రవక్త (స) సెలవిచ్చారు. కృతజ్ఞతలు చెల్లించే వ్యక్తి ఎక్కడ ఉంటే.. అక్కడ శుభాలు వర్షిస్తాయంటారు ఆయన. శిక్ష నుంచి, ఆపద నుంచి రక్షణ పొందడానికి, అల్లాహ్‌ సామీప్యాన్ని పొందడానికి కృతజ్ఞత సాధనమవుతుంది.