భక్తులకు కనులారా శ్రీవారి దర్శనం 

తితిదే ఛైర్మన్‌ వై.వి.సుబ్బారెడ్డి 

కొవిడ్‌ నేపథ్యంలో ఈ ఏడాదీ శ్రీవారి బ్రహ్మోత్సవాలు ఏకాంతంగా నిర్వహిస్తున్నాం. కొయిళ్‌ ఆళ్వార్‌ తిరుమంజనం సందర్భంగా బ్రేక్‌ దర్శనాలు  నిలిపివేశాం. బ్రహ్మోత్సవాల సమయంలో భక్తులకు యథాతథంగా శ్రీవారిని దర్శించుకోవచ్చు.. ఇప్పటికే ఆన్‌లైన్‌లో రోజుకు ఎనిమిది వేల మందికి అవకాశం కల్పించాం. బ్రహ్మోత్సవాల్లో శ్రీవారికి కైంకర్యాలు అన్నీ ఆగమ శాస్త్ర ప్రకారం జరుగుతాయి. భక్తులు కొవిడ్‌ నిబంధనలు అనుసరించి దర్శనాలు చేసుకునేందుకు అన్ని ఏర్పాట్లు చేశాం. తిరుమలను సర్వాంగ సుందరంగా తీర్చిదిద్దాం. ఆలయంలో ఏకాంతంగా బ్రహ్మోత్సవాలు జరిగే సమయంలో భక్తులకు ఏ విధంగా దర్శనాలు కల్పించాలనే అంశంపై ఇప్పటికే అధికారులు ప్రణాళిక రూపొందించారు. భక్తులు కనులారా స్వామిని దర్శించుకునేందుకు అన్ని చర్యలు తీసుకున్నాం.