పుణ్యప్రదం తీర్థస్నానం

యజ్ఞం చేసిన వ్యక్తిని సోమయాజి అంటారు. తీర్థంలో స్నానం చేస్తే యజ్ఞం చేసిన ఫలితం కలుగుతుంది అన్నారు. యజ్ఞం ప్రయాసతో కూడుకున్నది. కలియుగంలో అది అసాధ్యం కనుక ప్రత్యామ్నాయంగా ఈశ్వరుడు తీర్థం కల్పించాడు. అన్ని నదులూ తీర్థాలు కావు. నదీ తీరాన ఆలయముంటే అది తీర్థం. ఆ పుణ్య స్నానానికి యజ్ఞఫలం దక్కుతుందన్నది వేదవాక్కు. తీర్థయాత్ర చేసినవాళ్లు తీర్థంలో తప్పక స్నానం చేయాలి. తీర్థయాత్రలు చేసి ఇంటికి చేరుకున్నాక అడిగిన వారికి ఏయే ఆలయాలను దర్శించారు, స్థలపురాణం, అక్కడి మహాత్ముల విశేషాలు, చేసిన తీర్థస్నానాలు.. ఇలా యాత్రా విశేషాలను జ్ఞప్తికి తెచ్చుకుని తాదాత్మ్యంతో చెబితే ప్రాసంగికపుణ్యం లభిస్తుందంటారు.

ప్రతాప వెంకట సుబ్బారాయుడు