బోధన.. పరిశోధన!
సైన్స్ కోర్సుల్లో పరిశోధనలే సమాజ ప్రగతికి సోపానాలు. భవిష్యత్తు అంతా పరిశోధనల పురోగతిపైనే ఆధారపడి ఉంటుందనడం అతిశయోక్తి కాదు. మరి అంత ప్రాధాన్యమున్న ఈ రంగంలో మీరూ భాగం కావాలనుకుంటున్నారా? అయితే సీఎస్ఐఆర్ యూజీసీ నెట్ గురించి తెలుసుకోవాల్సిందే. ఇటీవలే దీని ప్రకటన వెలువడింది!
సైన్స్లో సమున్నతికి సీఎస్ఐఆర్ నెట్
సైన్స్ కోర్సుల్లో పరిశోధనలే సమాజ ప్రగతికి సోపానాలు. భవిష్యత్తు అంతా పరిశోధనల పురోగతిపైనే ఆధారపడి ఉంటుందనడం అతిశయోక్తి కాదు. మరి అంత ప్రాధాన్యమున్న ఈ రంగంలో మీరూ భాగం కావాలనుకుంటున్నారా? అయితే సీఎస్ఐఆర్ యూజీసీ నెట్ గురించి తెలుసుకోవాల్సిందే. ఇటీవలే దీని ప్రకటన వెలువడింది!
పరిశోధనల దిశగా అడుగులేయాలనుకున్నవాళ్లు రాయాల్సిన ముఖ్య పరీక్ష.. సీఎస్ఐఆర్ యూజీసీ నెట్. ఇందులో విజయం సాధించినవారు ప్రతి నెలా స్టైపెండ్ అందుకుంటూ ప్రఖ్యాత సంస్థల్లో పరిశోధనలు కొనసాగించవచ్చు. అలాగే లెక్చరర్షిప్కు అర్హత పొందినవారు డిగ్రీ కళాశాలల్లో లెక్చరర్, విశ్వవిద్యాలయాల్లో అసిస్టెంట్ ప్రొఫెసర్ పోస్టులకు పోటీ పడవచ్చు.
సైన్స్, ఇంజినీరింగ్లో నాలుగేళ్ల యూజీ కోర్సులు లేదా పీజీ పూర్తిచేసుకున్నవారు, ప్రస్తుతం ఆఖరు సంవత్సరం చదువుతున్నవాళ్లు దరఖాస్తు చేసుకోవచ్చు. పరీక్షను నేషనల్ టెస్టింగ్ ఏజెన్సీ (ఎన్టీఏ) ఏటా రెండుసార్లు నిర్వహిస్తోంది.
అభ్యర్థులు తాము చదువుకున్న కోర్సు ప్రకారం వీటిలో ఏదో ఒకటి పరీక్ష రాయడానికి ఎంచుకోవాలి. నాలుగేళ్ల యూజీ కోర్సులైన బీఈ, బీఎస్, బీఫార్మసీ...మొదలైనవి చదువుకున్నవారికి జేఆర్ఎఫ్ కోసం అవకాశం ఉంది. అయితే వీరు లెక్చరర్షిప్నకు అనర్హులు.
సీఎస్ఐఆర్- యూజీసీ నెట్ ఐదు సబ్జెక్టుల్లో నిర్వహిస్తున్నారు. అవి..
* కెమికల్ సైన్సెస్
* ఎర్త్, అట్మాస్ఫిరిక్, ఓషన్, ప్లానిటరీ సైన్సెస్
* లైఫ్ సైన్సెస్
* మేథమెటికల్ సైన్సెస్
* ఫిజికల్ సైన్సెస్
పరీక్ష విధానం
అభ్యర్థి ఎంచుకున్న సబ్జెక్టు నుంచి 200 మార్కులకు ఆన్లైన్లో పరీక్ష నిర్వహిస్తారు. ప్రశ్నలన్నీ మల్టిపుల్ ఛాయిస్ విధానంలో ఉంటాయి. పరీక్ష వ్యవధి 3 గంటలు. ఇందులో మూడు విభాగాలు (ఎ, బి, సి) ఉంటాయి.
పార్ట్ ఎ: అన్ని విభాగాలవారికీ ఉమ్మడిగా ఉంటుంది. ఇందులో జనరల్ ఆప్టిట్యూడ్లో లాజికల్ రీజనింగ్, గ్రాఫికల్ అనాలిసిస్, అనలిటికల్ అండ్ న్యూమరికల్ ఎబిలిటీ, క్వాంటిటేటివ్ కంపారిజన్, సిరీస్ ఫార్మేషన్, పజిల్స్ మొదలైనవాటికి సంబంధించిన 20 ప్రశ్నలు వస్తాయి. వీటిలో ఏవైనా 15 ప్రశ్నలకు సమాధానాలు గుర్తిస్తే సరిపోతుంది. ఈ విభాగానికి 30 మార్కులు కేటాయించారు. ప్రతి సరైన సమాధానానికీ 2 మార్కులు. తప్పు సమాధానానికీ అరమార్కు తగ్గిస్తారు.
పార్ట్ బి: ఈ విభాగంలో అభ్యర్థి ఎంచుకున్న సబ్జెక్టు నుంచి ప్రశ్నలు వస్తాయి. ఆ సబ్జెక్టు ప్రకారం ప్రశ్నల సంఖ్య మారుతుంది. సంబంధిత సబ్జెక్టుల్లో 25 నుంచి 50 వరకు ప్రశ్నలు ఉంటాయి. ఛాయిస్ ఉంది. ఈ విభాగానికి ఆ సబ్జెక్టు ప్రకారం 70 లేదా 75 మార్కులు ఉంటాయి. రుణాత్మక మార్కులు ఉన్నాయి. ప్రశ్నకు కేటాయించిన మార్కుల్లో పావు వంతు చొప్పున తగ్గిస్తారు.
పార్ట్ సి: ఈ విభాగంలో ఎంచుకున్న సబ్జెక్టు నుంచి 30 నుంచి 80 వరకు ప్రశ్నలు వస్తాయి. ఛాయిస్ ఉంది. మ్యాథ్స్లో 95 మిగిలిన సబ్జెక్టుల్లో వంద మార్కులకు ఈ ప్రశ్నలు ఉంటాయి. మ్యాథ్స్ తప్ప మిగిలిన వాటికి రుణాత్మక మార్కులు ఉన్నాయి. ప్రశ్నకు కేటాయించిన మార్కుల్లో పావువంతు చొప్పున తగ్గిస్తారు. సైంటిఫిక్ కాన్సెప్టులపై అభ్యర్థికి ఉన్న అవగాహన, పరిజ్ఞానం, అనువర్తిత ధోరణి మొదలైన అంశాల్లో ప్రశ్నలు అడుగుతారు. ఈ ప్రశ్నలన్నీ అభ్యర్థి విశ్లేషణ సామర్థ్యాన్ని పరీక్షించేలా ఉంటాయి.
మొత్తం ప్రశ్నపత్రం నుంచి ఫిజికల్ సైన్సెస్లో 75 ప్రశ్నలకు గానూ 55, మ్యాథమెటికల్ సైన్సెస్లో 120కి 60, లైఫ్ సైన్సెస్లో 145కి 75, కెమికల్ సైన్సెస్లో 120కి 75, ఎర్త్, అట్మాస్ఫిరిక్, ఓషన్ అండ్ ప్లానెటరీ సైన్సెస్లో 150కి 75 ప్రశ్నలకు సమాధానాలు గుర్తిస్తే సరిపోతుంది. సిలబస్, మాదిరి ప్రశ్నపత్రాలను https://www.csirhrdg.res.in నుంచి పొందవచ్చు.
స్టైపెండ్
జేఆర్ఎఫ్కు ఎంపికై, పరిశోధనలు కొనసాగించేవారికి తొలి రెండేళ్లూ ప్రతినెలా రూ.31,000 చొప్పున స్టైపెండ్ ఇస్తారు. అనంతరం ఎస్ఆర్ఎఫ్ అర్హత సాధించినవారికి ప్రతి నెలా రూ.35,000 చొప్పున అందుతుంది. దీంతోపాటు ఉచిత వసతి లేదా స్టైపెండ్లో 30 శాతం హెచ్ఆర్ఏ కింద చెల్లిస్తారు.
సన్నద్ధత ఎలా?
* ముందుగా సిలబస్ వివరాలు క్షుణ్నంగా చూసుకోవాలి. అనంతరం పాత ప్రశ్నపత్రాలను పరిశీలించాలి. ఈ రెండూ చేయడం వల్ల ఏ అంశాలకు ప్రాధాన్యం ఇవ్వాలి, వాటిని ఏ స్థాయిలో చదవాలో తెలుస్తుంది.
* సంబంధిత సబ్జెక్టులో ప్రాథమికాంశాలపై పట్టు పెంచుకోవాలి. అనంతరం అనువర్తన, పరిశోధన కోణంలో అధ్యయనం చేయాలి. ఆయా సబ్జెక్టుల్లో సంబంధిత యూజీ పుస్తకాలు చదివిన తర్వాత చాప్టర్లవారీ పీజీ స్థాయిలో రిఫరెన్స్ పుస్తకాలు లోతుగా అధ్యయనం చేయడం తప్పనిసరి.
* అన్ని సబ్జెక్టుల్లోనూ పార్ట్ సి విభాగానికి ఎక్కువ వెయిటేజీ ఉంది. ఇందుకోసం ప్రామాణిక పుస్తకాలు, పరిశోధన జర్నల్్్సను అనువర్తిత ధోరణిలో అధ్యయనం చేయాలి.
* సన్నద్ధత పూర్తయిన తర్వాత కనీసం పది మాక్ టెస్టులు రాయాలి. అలాగే ఇందులో స్కోర్ విశ్లేషించుకోవాలి. మొదటి టెస్టు పూర్తయిన వెంటనే ఏ అంశాల్లో బలహీనంగా ఉన్నారో గుర్తించి, వాటిపై ప్రత్యేక దృష్టి పెట్టాలి. అనంతరం రెండో టెస్టు రాయాలి. ఇదే విధానం పదో టెస్టు వరకు కొనసాగిస్తే విజయావకాశాలు మెరుగవుతాయి.
* రుణాత్మక మార్కులున్నాయి. కాబట్టి తెలిసిన ప్రశ్నలకు మాత్రమే సమాధానాలను గుర్తించాలి.
సబ్జెక్టులవారీగా..
లైఫ్ సైన్సెస్: బోటనీ లేదా జువాలజీలో పీజీ పూర్తిచేసుకున్నవాళ్లు ఆధునిక బయాలజీ (మాలిక్యులర్ బయాలజీ, బయోటెక్నాలజీ, బయోకెమిస్ట్రీ, మైక్రోబయాలజీ, బయోకెమికల్ టెక్నిక్స్, బయోఫిజిక్స్, స్పెక్ట్రోస్కోపి) పై ఎక్కువ శ్రద్ధ పెట్టాలి. ఆధునిక బయాలజీలో పీజీ చేసినవారు క్లాసికల్ బయాలజీ, ఎకాలజీ, ఎవల్యూషన్, బయోడైవర్సిటీపై ఎక్కువ దృష్టి సారించాలి.
కెమికల్ సైన్సెస్: ఆర్గానిక్ కెమిస్ట్రీలో రియాక్షన్ మెకానిజం, స్టీరియో కెమిస్ట్రీలో ఎసెమిట్రిక్ సింథసిస్, కన్ఫర్మేషనల్ అనాలిసిస్, ఆర్గానిక్ స్పెక్ట్రోస్కోపీ, రియేజెంట్స్, పెరిసైక్లిక్ చర్యలు, కాంతి రసాయనశాస్త్రం తదితర అంశాలనూ, ఇనార్గానిక్ కెమిస్ట్రీలో సంశ్లిష్ట సమ్మేళనాలు, అనలిటికల్ కెమిస్ట్రీ, బయో ఇనార్గానిక్ కెమిస్ట్రీ, కర్బన లోహ సమ్మేళనాలు, మెటల్ క్లస్టర్స్ మొదలైన అంశాలను అనువర్తిత ధోరణిలో విశ్లేషణాత్మకంగా చదవాలి. ఫిజికల్ కెమిస్ట్రీలో క్వాంటమ్ కెమిస్ట్రీ, సాలిడ్స్టేట్, మాలిక్యులర్ స్పెక్ట్రోస్కోపీ, స్టాటిస్టికల్ థర్మోడైనమిక్స్, కెమికల్ కైనెటిక్స్, ఎలక్ట్రో కెమిస్ట్రీ మొదలైన అంశాలను అనువర్తిత ధోరణిలో అధ్యయనం చేయాలి.
ఫిజికల్ సైన్సెస్: మోడరన్ ఫిజిక్స్, న్యూక్లియర్, పార్టికల్ ఫిజిక్స్, హీట్, థర్మోడైనమిక్స్ (క్లాసికల్, స్టాటిస్టికల్), ఎలక్ట్రోమాగ్నటిక్ థియరీ, ఎలక్ట్రానిక్స్ అండ్ ఎక్స్పరిమెంటల్ మెథడ్స్, ఆప్టిక్స్, మెకానిక్స్ విభాగాలను క్షుణ్నంగా చదవాలి.
మేథమెటికల్ సైన్సెస్: స్టాటిస్టిక్స్, ఎక్స్పోలేటరీ డేటా అనాలిసిస్, కాంప్లెక్స్, డిఫరెన్షియల్ అనాలిసిస్, మ్యాట్రిక్స్, డెరివేటివ్స్, వెక్టర్, త్రికోణమితి, జామెట్రీ పాఠ్యాంశాలపై ప్రత్యేక శ్రద్ధ వహించాలి.
ఎర్త్, అట్మాస్ఫిరిక్, ఓషన్, ప్లానిటరీ సైన్సెస్: భూమి, సౌరవ్యవస్థ, సముద్రాలు, వాతావరణం, పర్యావరణం, భూగర్భశాస్త్రం, జియో కెమిస్ట్రీ, ఎకనామిక్ జియాలజీ, ఫిజికల్ జాగ్రఫీ, జియో ఫిజిక్స్, మెటీరియాలజీ, ఓషన్ సైన్స్ అంశాలను పూర్తిస్థాయిలో సన్నద్ధం కావాలి.
ముఖ్య వివరాలు
అర్హత: ఎంఎస్సీ లేదా ఇంటిగ్రేటెడ్ ఎమ్మెస్సీ లేదా బీఈ / బీటెక్ లేదా నాలుగేళ్ల బీఎస్సీ లేదా బీఫార్మసీ తదితర కోర్సుల్లో 55% మార్కులతో ఉత్తీర్ణులైన జనరల్, ఓబీసీలు, 50% మార్కులతో ఉత్తీర్ణులైన ఎస్సీ, ఎస్టీ, థర్డ్ జండర్, దివ్యాంగులూ దరఖాస్తు చేసుకోవచ్చు. చివరి సంవత్సరం కోర్సులు చదువుతున్నవారూ అర్హులే.
వయసు: జేఆర్ఎఫ్కు గరిష్ఠ వయః పరిమితి జులై 1, 2021 నాటికి 28 ఏళ్లు. ఎస్సీ, ఎస్టీ, థర్డ్ జండర్, దివ్యాంగులు, మహిళలకు ఐదేళ్లు, నాన్ క్రీమిలేయర్ ఓబీసీలకు మూడేళ్లు మినహాయింపు వర్తిస్తుంది. లెక్చరర్షిప్ (ఎల్ఎస్)కు వయసు నిబంధన లేదు.
ఆన్లైన్ దరఖాస్తులు: ఆగస్టు 10 సాయంత్రం 5 వరకు స్వీకరిస్తారు.
పరీక్ష ఫీజు: జనరల్ కేటగిరీకి రూ.1000, ఓబీసీ- నాన్ క్రీమీలేయర్కు రూ.500, ఎస్సీ/ ఎస్టీ/ థర్డ్ జండర్లకు రూ.250. దివ్యాంగులు ఫీజు చెల్లించనవసరం లేదు.
పరీక్ష తేదీలు: తర్వాత ప్రకటిస్తారు.
పరీక్ష కేంద్రాలు: ఏపీలో అనంతపురం, భీమవరం, చీరాల, చిత్తూరు, ఏలూరు, గుంటూరు, కడప, కాకినాడ, కర్నూలు, నరసరావుపేట, నెల్లూరు, ఒంగోలు, పొద్దుటూరు, రాజమండ్రి, శ్రీకాకుళం, సూరంపాలెం, తిరుపతి, విజయవాడ, విశాఖపట్నం, విజయనగరం. తెలంగాణలో హైదరాబాద్, కరీంనగర్, ఖమ్మం, మహబూబ్ నగర్, నల్గొండ, వరంగల్.
వెబ్సైట్: https://csirnet.nta.nic.in
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
గుండెపోటుతో గ్యాంగ్స్టర్ ముఖ్తార్ అన్సారీ మృతి.. యూపీలో 144 సెక్షన్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్