నోటిఫికేషన్స్‌

ఉద్యోగాలు
ఓఎన్‌జీసీలో గ్రాడ్యుయేట్‌ ట్రెయినీలు

భారత ప్రభుత్వానికి చెందిన ఆయిల్‌ అండ్‌ నేచురల్‌ గ్యాస్‌ కార్పొరేషన్‌ లిమిటెడ్‌ (ఓఎన్‌జీసీ) ఇంజినీరింగ్‌, జియో సైన్స్‌ విభాగాల్లో కింది పోస్టుల భర్తీకి దరఖాస్తులు కోరుతోంది.

గ్రాడ్యుయేట్‌ ట్రెయినీలు

విభాగాలు: జియాలజీ అండ్‌ జియోఫిజిక్స్‌, కెమిస్ట్రీ, మ్యాథమెటిక్స్‌, కెమికల్‌ ఇంజినీరింగ్‌, సివిల్‌ ఇంజినీరింగ్‌, ఎలక్ట్రికల్‌ ఇంజినీరింగ్‌, ఇన్‌స్ట్రుమెంటేషన్‌ ఇంజినీరింగ్‌ తదితరాలు

ఎంపిక: గేట్‌ 2022 మెరిట్‌ స్కోర్‌ ఆధారంగా. దరఖాస్తు: ఆన్‌లైన్‌ ద్వారా.

దరఖాస్తులకు చివరి తేదీ: వెల్లడించాల్సి ఉంది.

వెబ్‌సైట్‌: ‌www.ongcindia.com/

ఐఓసీఎల్‌లో లా ఆఫీసర్లు

భారత ప్రభుత్వరంగ సంస్థ అయిన ఇండియన్‌ ఆయిల్‌ కార్పొరేషన్‌ లిమిటెడ్‌ (ఐఓసీఎల్‌) కింది పోస్టుల భర్తీకి దరఖాస్తులు కోరుతోంది.

మొత్తం పోస్టులు: 18. సీనియర్‌ లా ఆఫీసర్లు-09, లా ఆఫీసర్లు-09.

అర్హత: మూడేళ్ల/ ఐదేళ్ల ఇంటిగ్రేటెడ్‌ లా డిగ్రీ ఉత్తీర్ణత, అనుభవం.

ఎంపిక: క్లాట్‌ 2022 పీజీ మెరిట్‌ ర్యాంక్‌, గ్రూప్‌ డిస్కషన్‌, గ్రూప్‌ టాస్క్‌, పర్సనల్‌ ఇంటర్వ్యూ ఆధారంగా.

దరఖాస్తు: ఆన్‌లైన్‌ ద్వారా. దరఖాస్తులకు చివరి తేదీ: 2022, ఆగస్టు 14.

వెబ్‌సైట్‌: https://iocl.com/

ప్రవేశాలు

ఎండీఎన్‌ఐవైలో యోగా కోర్సులు

న్యూదిల్లీలోని భారత ప్రభుత్వ ఆయుష్‌ మంత్రిత్వ శాఖకు చెందిన మొరార్జీ దేశాయ్‌ నేషనల్‌ ఇన్‌స్టిట్యూట్‌ ఆఫ్‌ యోగా(ఎండీఎన్‌ఐవై) 2022-23 విద్యాసంవత్సరానికి కింది ప్రోగ్రాముల్లో ప్రవేశాలకు దరఖాస్తులు కోరుతోంది.

కోర్సులు: డిప్లొమా (యోగా సైన్స్‌), బీఎస్సీ(యోగా), ఎమ్మెస్సీ (యోగా), పీజీ డిప్లొమా తదితరాలు.

అర్హత: సంబంధిత కోర్సులను అనుసరించి ఇంటర్మీడియట్‌ (10+2), గ్రాడ్యుయేషన్‌, డిప్లొమా ఉత్తీర్ణత.

వయసు: 30 ఏళ్లలోపు ఉండాలి. ఎంపిక: రాత పరీక్ష, మెడికల్‌ టెస్ట్‌ ఆధారంగా.

దరఖాస్తు విధానం: ఆన్‌లైన్‌/ ఆఫ్‌లైన్‌ ద్వారా.

దరఖాస్తులకు చివరి తేదీ: 2022, ఆగస్టు 05.

వెబ్‌సైట్‌: www.yogamdniy.nic.in/

అప్రెంటిస్‌షిప్‌

సింగరేణిలో ట్రేడ్‌ అప్రెంటిస్‌లు

ప్రభుత్వరంగ సంస్థ అయిన తెలంగాణలోని ది సింగరేణి కాలరీస్‌ కంపెనీ లిమిటెడ్‌ (ఎస్‌సీసీఎల్‌) వివిధ ట్రేడుల్లో అప్రెంటిస్‌ ఖాళీల భర్తీకి దరఖాస్తులు కోరుతోంది.

ట్రేడ్‌ అప్రెంటిస్‌లు

మొత్తం ఖాళీలు: 1300 ట్రేడులు: ఫిట్టర్‌, ఎలక్ట్రీషియన్‌, వెల్డర్‌, మెకానిక్‌ డీజిల్‌, మెకానిక్‌ మోటార్‌ వెహికిల్‌, టర్నర్‌ తదితరాలు.

అర్హత: సంబంధిత ట్రేడుల్లో ఐటీఐ ఉత్తీర్ణత.

వయసు: 28 ఏళ్లు మించకుండా ఉండాలి.

ఎంపిక: ఐటీఐలో సాధించిన మెరిట్‌ మార్కుల ఆధారంగా. ఆన్‌రోల్‌ ఉద్యోగులకు మొదటి ప్రాధాన్యమిస్తారు.

దరఖాస్తు: ఆన్‌లైన్‌ ద్వారా. దరఖాస్తులకు చివరి తేదీ: 2022, ఆగస్టు 06.

వెబ్‌సైట్‌: https://scclmines.com/

ఈసీఐఎల్‌, హైదరాబాద్‌లో...

భారత ప్రభుత్వానికి చెందిన హైదరాబాద్‌లోని ఎలక్ట్రానిక్స్‌ కార్పొరేషన్‌ ఆఫ్‌ ఇండియా లిమిటెడ్‌ (ఈసీఐఎల్‌) వివిధ ట్రేడుల్లో కింది అప్రెంటిస్‌ ఖాళీల భర్తీకి దరఖాస్తులు కోరుతోంది.

ట్రేడ్‌ అప్రెంటిస్‌లు

మొత్తం ఖాళీలు: 284 ట్రేడులు: ఎలక్ట్రీషియన్‌, ఎలక్ట్రానిక్‌ మెకానిక్‌, ఫిట్టర్‌, టర్నర్‌, మెషినిస్ట్‌, కార్పెంటర్‌, డీజిల్‌ మెకానిక్‌ తదితరాలు.

అర్హత: సంబంధిత ట్రేడుల్లో ఐటీఐ (ఎన్‌సీవీటీ సర్టిఫికెట్‌) ఉత్తీర్ణత.

వయసు: 18.10.2022 నాటికి 18-25 ఏళ్ల మధ్య ఉండాలి.

ఎంపిక: ఐటీఐలో సాధించిన మెరిట్‌ మార్కుల ఆధారంగా.

దరఖాస్తు: ఆన్‌లైన్‌ ద్వారా. దరఖాస్తులకు చివరి తేదీ: 2022, ఆగస్టు 08/ 2022, సెప్టెంబరు 12.

వెబ్‌సైట్‌: www.ecil.co.in/