నోటిఫికేషన్స్‌

ఉద్యోగాలు

9212 కానిస్టేబుల్‌ పోస్టులు

సెంట్రల్‌ రిజర్వ్‌ పోలీస్‌ ఫోర్స్‌ (సీఆర్‌పీఎఫ్‌) దేశవ్యాప్తంగా 9212 కానిస్టేబుల్‌ (టెక్నికల్‌, ట్రేడ్స్‌మ్యాన్‌) నియామకాలు చేపడుతోంది. పురుషులకు 9105; మహిళలకు 107.

పురుషుల పోస్టులు: డ్రైవర్‌, మోటార్‌ మెకానిక్‌ వెహికల్‌, కోబ్లర్‌, కార్పెంటర్‌, టైలర్‌, బ్రాస్‌ బ్యాండ్‌, పైప్‌ బ్యాండ్‌, బగ్లర్‌, గార్డెనర్‌, పెయింటర్‌, కుక్‌, వాటర్‌ క్యారియర్‌, వాషర్‌మన్‌, బార్బర్‌, సఫాయి కర్మచారి.

మహిళా పోస్టులు: బగ్లర్‌, కుక్‌, వాటర్‌ క్యారియర్‌, వాషర్‌ ఉమన్‌, హెయిర్‌ డ్రస్సెర్‌, సఫాయి కర్మచారి, బ్రాస్‌ బ్యాండ్‌.

అర్హత: పోస్టును అనుసరించి పదో తరగతి, ఐటీఐ, హెవీ ట్రాన్స్‌పోర్ట్‌ వెహికల్‌ డ్రైవింగ్‌ లైసెన్స్‌. దీంతోపాటు పురుషులు 170 సెం.మీ., మహిళలు 157 సెం.మీ. ఎత్తు ఉండాలి.
వయసు: 01.08.2023 నాటికి 18-23 సంవత్సరాల మధ్య ఉండాలి. డ్రైవర్‌ పోస్టులకు 21-27 ఏళ్ల మధ్య. ఎంపిక: కంప్యూటర్‌ బేస్డ్‌ టెస్ట్‌, స్కిల్‌ టెస్ట్‌, ఫిజికల్‌ ఎఫిషియన్సీ టెస్ట్‌, ఫిజికల్‌ స్టాండర్డ్‌ టెస్ట్‌, మెడికల్‌ టెస్ట్‌ ఆధారంగా.
పరీక్ష ఫీజు: రూ.100 (ఎస్సీ, ఎస్టీ, మాజీ సైనికులు, మహిళా అభ్యర్థులకు మినహాయింపు).
ఆన్‌లైన్‌ దరఖాస్తులు ప్రారంభం: 27-03-2023.
ఆన్‌లైన్‌ దరఖాస్తుకు చివరి తేదీ: 25-04-2023.
కంప్యూటర్‌ ఆధారిత పరీక్ష: జులై 1 నుంచి 13 వరకు.
వెబ్‌సైట్‌: https://crpf.gov.in/

ప్రవేశాలు

టీఎస్‌ పీఈసెట్‌-2023

వ్యాయామ విద్యలో ప్రవేశాల కోసం నిర్వహించే ఫిజికల్‌ ఎడ్యుకేషన్‌ ఉమ్మడి ప్రవేశ పరీక్ష (టీఎస్‌ పీఈసెట్‌)- 2023 నోటిఫికేషన్‌ విడుదలయింది.ఈ పరీక్ష ద్వారా రెండేళ్ల వ్యవధిగల బీపీఈడీ, డీపీఈడీ కోర్సుల్లో ప్రవేశాలు కల్పిస్తారు.

విద్యార్హత: బీపీఈడీకు బ్యాచిలర్స్‌ డిగ్రీతో పాటు 01-07-2023 నాటికి 19 ఏళ్లు నిండి ఉండాలి. డీపీఈడీ కోర్సుకు ఇంటర్‌తో పాటు 01-07-2023 నాటికి 16 ఏళ్లు నిండి ఉండాలి.
క్రీడల పోటీలు: ఇందులో రెండు భాగాలు ఉంటాయి. మొదటి భాగంలో ఫిజికల్‌ ఎఫీషియన్సీ టెస్ట్‌, రెండో విభాగంలో స్కిల్‌ టెస్ట్‌ ఉంటాయి.
పరీక్ష ఫీజు: జనరల్‌ అభ్యర్థులకు రూ.900; ఎస్సీ/ ఎస్టీలకు రూ.500.
* దరఖాస్తుల స్వీకరణ: మే 6 వరకు:
* పరీక్షలో భాగంగా అభ్యర్థులకు క్రీడల పోటీలు: జూన్‌ 1 నుంచి 10 వరకు
* జూన్‌ మూడో వారం: ఫలితాల వెల్లడి
వెబ్‌సైట్‌: https://pecet.tsche.ac.in/

నేషనల్‌ షుగర్‌ ఇన్‌స్టిట్యూట్‌లో పీజీ డిప్లొమా  

కాన్పూర్‌లోని నేషనల్‌ షుగర్‌ ఇన్‌స్టిట్యూట్‌ 2023-24 అకడమిక్‌ సెషన్‌కు పీజీ డిప్లొమా కోర్సుల్లో ప్రవేశానికి దరఖాస్తులను ఆహ్వానిస్తోంది.

1. పోస్టు గ్రాడ్యుయేట్‌ డిప్లొమా కోర్సు ఆఫ్‌ అసోసియేట్‌షిప్‌ (షుగర్‌ టెక్నాలజీ- రెండున్నరేళ్లు): 66 సీట్లు
2. పోస్టు గ్రాడ్యుయేట్‌ డిప్లొమా కోర్సు ఆఫ్‌ అసోసియేట్‌షిప్‌ (షుగర్‌ టెక్నాలజీ- ఏడాదిన్నర): 40 సీట్లు
3. పోస్టు గ్రాడ్యుయేట్‌ డిప్లొమా కోర్సు (ఇండస్ట్రియల్‌ ఫెర్మెంటేషన్‌ అండ్‌ ఆల్కహాల్‌ టెక్నాలజీ): 50 సీట్లు
4. పోస్టు గ్రాడ్యుయేట్‌ డిప్లొమా కోర్సు (షుగర్‌ కేన్‌ ప్రొడక్టివిటీ అండ్‌ మెచ్యూరిటీ మేనేజ్‌మెంట్‌): 20 సీట్లు
5. పోస్టు గ్రాడ్యుయేట్‌ డిప్లొమా కోర్సు (ఇన్‌స్ట్రుమెంటేషన్‌ అండ్‌ ప్రాసెస్‌ కంట్రోల్‌): 17 సీట్లు
6. పోస్టు గ్రాడ్యుయేట్‌ డిప్లొమా కోర్సు (క్వాలిటీ కంట్రోల్‌ అండ్‌ ఎన్విరాన్‌మెంటల్‌ సైన్స్‌): 22 సీట్లు
7. షుగర్‌ ఇంజినీరింగ్‌ సర్టిఫికెట్‌ కోర్సు: 17 సీట్లు
8. షుగర్‌ బాయిలింగ్‌ సర్టిఫికెట్‌ కోర్సు: 63 సీట్లు
9. క్వాలిటీ కంట్రోల్‌లో సర్టిఫికెట్‌ కోర్సు: 30 సీట్లు

అర్హత: కోర్సును అనుసరించి మెట్రిక్యులేషన్‌, పన్నెండో తరగతి, సంబంధిత విభాగంలో డిప్లొమా, బ్యాచిలర్స్‌ డిగ్రీ.
ఎంపిక: ప్రవేశ పరీక్ష ఆధారంగా.
దరఖాస్తు రుసుము: రూ.1500 (ఎస్సీ/ ఎస్టీ అభ్యర్థులకు రూ.1000).
ఆన్‌లైన్‌ దరఖాస్తులు ప్రారంభం: 10-04-2023.
ఆన్‌లైన్‌ దరఖాస్తులకు చివరి తేదీ: 26-05-2023.
ప్రవేశ పరీక్ష తేదీ: 25-06-2023.
వెబ్‌సైట్‌: http://nsi.gov.in/online-application.html

ఏపీ ఇంటిగ్రేటెడ్‌ కామన్‌ ఎంట్రన్స్‌ టెస్ట్‌

ఆంధ్రప్రదేశ్‌ ఇంటిగ్రేటెడ్‌ కామన్‌ ఎంట్రన్స్‌ టెస్ట్‌-2023 (ఏపీ ఐసెట్‌) నోటిఫికేషన్‌ విడుదలయింది.

కోర్సులు: మాస్టర్‌ ఆఫ్‌ బిజినెస్‌ అడ్మినిస్ట్రేషన్‌ (ఎంబీఏ)/ మాస్టర్‌ ఆఫ్‌ కంప్యూటర్‌ అప్లికేషన్స్‌ (ఎంసీఏ)

అర్హత: ఎంబీఏ కోర్సుకు బీఏ, బీకాం, బీఎస్సీ, బీబీఏ, బీబీఎం, బీసీఏ, బీఈ, బీటెక్‌, బీఫార్మసీ; ఎంసీఏ కోర్సుకు బీసీఏ, డిగ్రీ (కంప్యూటర్‌ సైన్స్‌ ఇంజినీరింగ్‌), బీఎస్సీ, బీకాం, బీఏ(ఇంటర్‌/ డిగ్రీ స్థాయిలో గణితం చదివి ఉండాలి).  

వయసు: 19 ఏళ్లు నిండి ఉండాలి. గరిష్ఠ వయసు నిబంధన లేదు.
దరఖాస్తు రుసుము: రూ.650 (బీసీలకు రూ.600; ఎస్సీ/ ఎస్టీ అభ్యర్థులకు రూ.550).
ఆన్‌లైన్‌ దరఖాస్తుల గడువు: ఏప్రిల్‌ 19.
పరీక్షలు: మే 24, 25 తేదీల్లో.
వెబ్‌సైట్‌: https://cets.apsche.ap.gov.in/APSCHEHome.aspx