ఎస్‌సీ, ఎస్‌టీ విద్యార్థినులకు సాయం!

ఆర్థికంగా వెనుకబడిన ఎస్‌సీ, ఎస్‌టీ విద్యార్థినులకు సంతూర్‌, ఓఎన్‌జీసీ స్కాలర్‌షిప్‌లను అందిస్తున్నాయి. ఇంటర్మీడియట్‌ పూర్తి అయి, డిగ్రీ కోర్సులు చేస్తున్నవారు దరఖాస్తు చేసుకోవచ్చు. సంతూర్‌ నోటిఫికేషన్‌ ఇప్పటికే  వెలువడింది. ఓఎన్‌జీసీ ప్రకటన ఈ నెలాఖరుకు విడుదలయ్యే అవకాశముంది.సంతూర్‌ స్కాలర్‌షిప్‌ ప్రోగ్రామ్‌ను విప్రో కన్సూమర్‌ కేర్‌ అండ్‌ విప్రోకేర్‌ అందిస్తోంది. 12/ఇంటర్మీడియట్‌ తరువాత ఉన్నతవిద్యను హ్యుమానిటీస్‌, లిబరల్‌ ఆర్ట్స్‌ అండ్‌ సైన్సెస్‌లో అభ్యసించేవారికి అందిస్తారు. ఏటా ఆంధ్రప్రదేశ్‌, కర్ణాటక, తెలంగాణ రాష్ట్రాలనుంచి 900 మందిని ఎంపిక చేస్తారు. వెనుకబడిన జిల్లాలవారికి ప్రాధాన్యమిస్తారు. 

అర్హత: పదో తరగతి ప్రభుత్వ పాఠశాలలో పూర్తిచేసుండాలి. 2017-18 సంవత్సరానికిగానూ ఇంటర్మీడియట్‌/ డిప్లొమా ప్రభుత్వ కళాశాలలో పూర్తిచేసుండాలి. 2018-19 విద్యాసంవత్సరానికి గుర్తింపు పొందిన కళాశాలలో మూడేళ్ల వ్యవధిగల డిగ్రీ/ డిప్లొమాకు నమోదు చేసుకుని ఉండాలి. 
ఎంత మొత్తం?: చదువు, దానికి సంబంధించిన ఇతర ఖర్చులకు కలిపి కోర్సు పూర్తయ్యేనాటికి ఏడాదికి రూ.24,000 చెల్లిస్తారు. 
దరఖాస్తు ఎలా?: మెయిల్‌, ఫేస్‌బుక్‌ ఐడీలతో రిజిస్టర్‌ చేసుకుని, ఆన్‌లైన్‌లో దరఖాస్తు చేసుకోవచ్చు. లేదా దరఖాస్తు ఫారాన్ని డౌన్‌లోడ్‌ చేసుకుని, దాన్ని నింపి, అవసరమైన పత్రాలను జతచేసి, విప్రో కేర్స్‌, సంతూర్‌ స్కాలర్‌షిప్‌, దొడ్డ కన్నెల్లి, సర్జాపూర్‌రోడ్‌, బెంగళూరు- 560035 కు పంపాల్సి ఉంటుంది. ఎంపికైనవారిని తరువాత ప్రకటిస్తారు. 
దరఖాస్తు చివరితేదీ: సెప్టెంబరు 15, 2018 
వెబ్‌సైట్‌: santoorscholarships.com

ఓఎన్‌జీసీ

ఇంటర్‌ పూర్తయ్యి ఇంజినీరింగ్‌, మెడిసిన్‌, గ్రాడ్యుయేషన్‌/ డిప్లొమా కోర్సు, ఒకేషనల్‌ కోర్సుల్లో 2018 సంవత్సరానికిగానూ చేరిన ఎస్‌సీ, ఎస్‌టీ వారు దరఖాస్తు చేసుకోవచ్చు. మొత్తంగా 500 స్కాలర్‌షిప్‌లను అందిస్తారు. 
అర్హత: నాలుగేళ్ల ఇంజినీరింగ్‌/ ఎంబీబీఎస్‌/ రెండేళ్ల ఎంబీఏ/ రెండేళ్ల జియాలజీ/ జియోఫిజిక్స్‌ చదివినవారు అర్హులు. 
కుటుంబ ఆదాయం రూ.4.50 లక్షలు మించకూడదు. 12వ తరగతిలో 60% మార్కులు సాధింంచి ఉండాలి. 
ఎంత మొత్తం: నెలకు రూ.4000 లేదా ఏడాదికి రూ.48,000  చెల్లిస్తారు. 
దరఖాస్తు ఎలా?: పూర్తిచేసిన దరఖాస్తును అవసరమైన పత్రాలతో వెబ్‌సైట్‌లో ఉంచిన చిరునామాకు గడువులోగా పంపాల్సి ఉంటుంది. 
ఎంపిక ప్రక్రియ: ఇంటర్‌లో సాధించిన మార్కుల ఆధారంగా ఎంపిక ఉంటుంది. ఇద్దరికీ ఒకే రకమైన పర్సంటేజీ వస్తే, వారి కుటుంబ ఆదాయం ఆధారంగా ఎంపిక చేస్తారు. 
వెబ్‌సైట్‌: www.ongcindia.com