సాఫ్ట్‌వేర్‌ కోర్సులు ఏవి చేస్తే మేలు?

బీఎస్సీ (కెమిస్ట్రీ) చదివాను. నాకు సాఫ్ట్‌వేర్‌ రంగంపై ఆసక్తి. కొంత కంప్యూటర్‌ పరిజ్ఞానమూ ఉంది. ఈ రంగంలో ప్రవేశించడానికి ఏ కోర్సులు చేస్తే మేలు?

- సతీష్‌

*చాలాకాలంగా సాఫ్ట్‌వేర్‌ రంగం మనదేశంలోని అధిక విద్యార్థుల ఎంపికల్లో ప్రథమ స్థానంలో ఉంటూ వస్తోంది. ఆకర్షణీయమైన వేతనాలూ, కెరియర్లో వేగవంతమైన ఎదుగుదల వల్ల ఇది ఏ రంగంలో చదివిన విద్యార్థులనైనా ఆకర్షిస్తోంది. మీ విషయానికి వస్తే ఇప్పుడున్న పరిస్థితుల్లో ఏ రంగంలో చదివినవారైనా సాఫ్ట్‌వేర్‌ రంగంలో ప్రవేశించడానికి సులువైన దారులున్నాయి. కంప్యూటర్స్‌పై ప్రాథమిక పరిజ్ఞానం ఉందంటున్నారు కాబట్టి, ఏదైనా ఒక కోడింగ్‌ లాంగ్వేజ్‌ నేర్చుకుంటే మీరు సాఫ్ట్‌వేర్‌ వైపుగా  వెళ్ళగలుగుతారు. ఇప్పుడు మన జాబ్‌ మార్కెట్లో డేటా సైన్స్‌కు మంచి డిమాండ్‌ ఉంది. డేటా సైన్స్‌ మీదనో, డేటా అనలిటిక్స్‌ మీదనో ప్రాథమిక అవగాహన ఉన్న ఎవరికైనా సరే, కంపెనీలు ఉద్యోగావకాశాలు అందిస్తున్నాయి. డేటా అనలిటిక్స్‌వైపు కెరియర్‌  మొదలు పెట్టాలనుకునేవారు ముందుగా ళి లాంగ్వేజ్‌పై గానీ, పైతాన్‌ లాంటి ప్రోగ్రామింగ్‌ లాంగ్వేజ్‌పై గానీ పట్టు సాధించడం తప్పనిసరి.
- ప్రొ. బి.రాజశేఖర్‌, కెరియర్‌ కౌన్సెలర్‌