ఖగోళశాస్త్రంలో దూరవిద్య కోర్సులు ఉన్నాయా?

పోలీస్‌ కానిస్టేబుల్‌గా ఇటీవలే ఎంపికయ్యాను. కానీ నాకు ఆస్ట్రానమీపై ఆసక్తి. అందులో డిగ్రీ, పీజీల్లో దూరవిద్య ద్వారా పూర్తిచేయగలిగిన కోర్సులేమైనా ఉన్నాయా? అందించే సంస్థలేవి? వాటిలోకి ఎలా ప్రవేశించవచ్చో తెలియజేయండి. - కె. బాలకృష్ణ

బాధ్యతాయుతమైన ఉద్యోగానికి ఎంపికైనా ఇంకా చదువు కొనసాగించాలనే మీ ఆసక్తి అభినందనీయం. ఖగోళశాస్త్రం (ఆస్ట్రానమీ)లో రెండు రకాల విభాగాలున్నాయి. ఆప్టికల్‌ ఆస్ట్రానమీ లేదా సెలెస్టియల్‌ ఆస్ట్రానమీ; నాన్‌ ఆప్టికల్‌ ఆస్ట్రానమీ. ఆప్టికల్‌ ఆస్ట్రానమీ మన భూమి నుంచి వివిధ గ్రహాలూ నక్షత్రాల గురించి అధ్యయనం చేస్తుంది. నాన్‌ ఆప్టికల్‌ ఆస్ట్రానమీలో వివిధ వస్తువులను రేడియో సిగ్నల్స్‌తో అధ్యయనం చేస్తారు.

విషయ పరిజ్ఞానంతో పాటు చాలావరకూ ప్రాక్టికల్‌ అప్లికేషన్‌తో ఉండడంవల్ల ఈ కోర్సును సాధారణంగా ఏ విశ్వవిద్యాలయమూ దూరవిద్య ద్వారా ప్రస్తుతం అందించటం లేదు. ఖగోళశాస్త్రంపై అవగాహన పెంచుకోవాలనుకుంటే యుడెమి, కోర్సెరా, ఎడ్‌ఎక్స్‌ లాంటి ఆన్‌లైన్‌ ఎడ్యుకేషన్‌ పోర్టళ్లలో కోర్సులు అందుబాటులో ఉన్నాయి. వాటి ద్వారా మీరు సంబంధిత విషయ పరిజ్ఞానాన్ని పెంచుకోవచ్ఛు