పరిశోధనకు ఏది మేలు?

బీఎస్సీ (బయోటెక్నాలజీ, మైక్రోబయోలజీ, కెమిస్ట్రీ) చదువుతున్నాను. రీసెర్చ్‌ అండ్‌ డెవలప్‌మెంట్‌ రంగంలో పనిచేయాలంటే ఎంఎస్సీ బయోటెక్నాలజీ/ ఎంఎస్సీ మైక్రోబయోలజీలో ఏది చదివితే మంచిది?

- ఎ. సాయిపవన్‌

* మీరు బీఎస్సీ చదివేప్పుడే రీసెర్చ్‌ అండ్‌ డెవలప్‌మెంట్‌ రంగంలో పనిచేయాలని ఆలోచించడం అభినందనీయం. బయోటెక్నాలజీ, మైక్రో బయాలజీలు రెండూ పరిశోధనకు బాగా అవకాశమున్న రంగాలే. లైఫ్‌ సైన్సెస్‌లో ముఖ్యమైన విభాగాలే. రెండు కోర్సుల్లో చదివే సిలబస్‌లో సారూప్యం ఉంటుంది. కొన్ని విశ్వవిద్యాలయాల్లో రెండు నుంచి మూడు సెమిస్టర్లు.. ఈ రెండు కోర్సులవారు ఒకే తరగతి గదిలో కలిసే చదువుతారు. ఈ రెండు విభాగాల్లో పరిశోధనాంశాలు కూడా చాలావరకు ఒకేలా ఉంటాయి. మీకు అమితాసక్తి ఉన్న రంగాన్ని ఎంచుకొని, ప్రాథమికాంశాలు, అప్లికేషన్స్‌ బాగా నేర్చుకొని మేలైన పరిశోధనలు చేసే ప్రయత్నం చేయండి.

- ప్రొ. బి. రాజశేఖర్‌, కెరియర్‌ కౌన్సెలర్‌