ఆస్క్‌ ది ఎక్స్‌పర్ట్‌

* నేను ఒకటో తరగతి రెండు సార్లు చదివాను. ఓటీఆర్‌లో ఒకటో తరగతి అడ్మిట్‌ అయిన సంవత్సరం నింపాలా లేదా రెండోసారి చదివిన సంవత్సరాన్ని పేర్కొనాలా?      

-ఆండీ

జ: రెండోసారి చదివిన సంవత్సరాన్నే ఓటీఆర్‌లో అప్‌లోడ్‌ చేయండి. అకడమిక్‌ సంవత్సరాల కాలమ్‌ నింపేటప్పుడు ఇబ్బంది లేకుండా ఉంటుంది.

* పోటీ పరీక్షలకు అప్లై చేసేటప్పుడు పెళ్లయిన అమ్మాయిల కుల, ఆదాయం, రెసిడెన్షియల్‌ సర్టిఫికెట్లు ఏ ఇంటిపేరు (భర్త/తండ్రి)తో ఉండాలి?                

- మౌనిక

జ: కుల ధ్రువీకరణ పత్రం అయితే తండ్రి ఇంటి పేరు మీద ఉండాలి. రెసిడెన్షియల్‌ సర్టిఫికెట్‌తో ఎలాంటి సంబంధం ఉండదు. భర్తకు సంబంధించిన ఆదాయాన్ని చెప్పవచ్చు.

* ఆరో తరగతి నుంచి పదో తరగతి వరకు ఉన్న స్కూల్‌ సర్టిఫికెట్లలో పుట్టిన సంవత్సరం 1996 అని ఉంది. అయిదో తరగతిలో 1995 అని ఉంది. ఒకటి నుంచి నాలుగు వరకు ప్రభుత్వ అనుమతి లేని పాఠశాలలో చదివాను. ప్రస్తుతం ఆ స్కూల్‌ను తీసేశారు. స్టడీ సర్టిఫికెట్‌ ఎలా తీసుకోవాలో తెలియజేయండి.  
    

- సాయికృష్ణ

జ: ఒకటో తరగతి నుంచి అయిదో తరగతి వరకు సంబంధించి ఓటీఆర్‌లో తహశీల్దార్‌ సంతకం చేసిన రెసిడెన్షియల్‌ సర్టిఫికెట్‌ను సమర్పించండి. అందులో మీ పుట్టిన సంవత్సరం 1996 గా పేర్కొనండి.