ఆస్క్‌ ది ఎక్స్‌పర్ట్‌

నేను ఒకటో తరగతి నుంచి నాలుగో తరగతి వరకు హైదరాబాద్‌లో, 5వ తరగతి వరంగల్‌లో, 6, 7 తరగతులు వైజాగ్‌లో చదివాను. నేను తెలంగాణ స్థానికత కిందకు వస్తానా లేదా?

  - హయతి

జ: ప్రస్తుత నిబంధనల ప్రకారం ఏడో తరగతి వరకు నాలుగేళ్లు వరుసగా ఏ ప్రాంతంలో చదివితే ఆ స్థానికత పొందుతారు. మీరు ఒకటో తరగతి నుంచి నాలుగో తరగతి వరకు హైదరాబాద్‌లో చదివారు కాబట్టి తెలంగాణ స్థానికత కిందకు వస్తారు.

ఒకటి నుంచి అయిదో తరగతి వరకు సూర్యాపేటలో చదువుకున్నాను. ఆరు నుంచి పదో తరగతి వరకు కుసుమంచి (మండలం), ఖమ్మంలో చదువుకున్నాను. నేను ఏ జిల్లా కిందకు వస్తాను?

- హుస్సేన్‌

జ:  కొత్త నిబంధనల ప్రకారం ఒకటి నుంచి ఏడో తరగతి వరకు ఎక్కువ ఎక్కడ చదివితే అదే లోకల్‌ అవుతుంది. దాని ప్రకారం మీకు సూర్యాపేట జిల్లా, యాదాద్రి జోన్‌ స్థానికత వర్తిస్తుంది.

ఒకటి నుంచి నాలుగో తరగతి వరకు కామారెడ్డి జిల్లాలో చదివాను. అయిదో తరగతి నుంచి ఎనిమిదో తరగతి వరకు నిజామాబాద్‌ జిల్లాలో చదివాను. నేను బాసర మండలంలోకి వస్తానా? లేదా రాజన్న సిరిసిల్ల మండలంలోకి వస్తానా?  

- కేతావత్‌

జ: ఒకటి నుంచి నాలుగో తరగతి వరకు వరుసగా నాలుగేళ్లు కామారెడ్డి జిల్లాలో చదివారు కాబట్టి మీరు సిరిసిల్ల మండలంలోకి వస్తారు.