ఆస్క్‌ ది ఎక్స్‌పర్ట్‌

* గ్రూప్‌-1 ప్రిలిమ్స్‌కు తెలంగాణ ఎకానమీ చదవాలా? వెయిటేజీ ఎంత ఉంటుంది? 

- రవితేజ గోషిక

జ: గ్రూప్‌-1 ప్రిలిమ్స్‌కు తెలంగాణ ఎకానమీ తప్పనిసరిగా చదవాలి. కరెంట్‌ అఫైర్స్‌లోనూ ఆర్థిక సంబంధ ప్రశ్నలు వస్తాయి. అయితే గ్రూప్‌-1, గ్రూప్‌-2 మెయిన్స్‌లో ఎకానమీకి ఉన్నంత వెయిటేజీ గ్రూప్‌-1 ప్రిలిమ్స్‌లో ఉండదు.

* టీఎస్‌పీఎస్సీ గ్రూప్‌-1కు దరఖాస్తు చేసినప్పుడు డిగ్రీ పూర్తయిన సంవత్సరాన్ని పొరబాటున తప్పుగా అప్‌ చేశాను. ఓటీఆర్‌లో ఎడిట్‌ చేసి రీసబ్మిట్‌ చేస్తుంటే మారడం లేదు. దీనివల్ల ఏదైనా సమస్య ఉంటుందా?

- చంద్రలేఖ కుంచం

జ: ఓటీఆర్‌లో ఎడిట్‌ ఆప్షన్‌ తప్పులను సరిదిద్దడానికే ఉంటుంది. నెట్‌వర్క్‌ సరిగా లేకపోయినా ఒక్కోసారి అప్‌డేట్‌ కాదు. మరొకసారి ప్రయత్నించి చూడండి. అప్పటికీ కాకపోతే సర్వీస్‌ కమిషన్‌ను సంప్రదించండి.

* నేను ఒకటో తరగతి నాగర్‌ కర్నూలు జిల్లాలో; రెండు, మూడు తరగతులు రంగారెడ్డిలో; నాలుగు నుంచి ఆరో తరగతి మహబూబ్‌నగర్‌; ఏడు నుంచి పదో తరగతి వరకు నాగర్‌ కర్నూలు జిల్లాలో చదువుకున్నాను. ఏ జిల్లా లోకల్‌ అవుతుంది? 

- భాగ్యవర్ధం

జ: ఏడో తరగతి ఎక్కడైతే పాసయ్యారో ఆ ప్రాంతంలో లోకల్‌ కిందకు వస్తారు. నాగర్‌ కర్నూలు జిల్లాలో మీరు స్థానికత పొందుతారు.