ఆస్క్‌ ది ఎక్స్‌పర్ట్‌

* నేను పోలీస్‌ కానిస్టేబుల్‌, ఎస్‌ఐ కమ్యూనికేషన్‌ పరీక్షకు సిద్ధమవుతున్నాను. ఏయే పుస్తకాలు చదవాలో సూచించండి.

- ఒక అభ్యర్థి

జ: జనరల్‌ స్టడీస్‌ కామన్‌గా ఉంటుంది. సబ్జెక్ట్‌ విషయానికి వస్తే పాలిటెక్నిక్‌ ఈసీఈ (ఎలక్ట్రానిక్స్‌ అండ్‌ కమ్యూనికేషన్స్‌) పుస్తకాలను బాగా చదవండి. వీటికి సంబంధించిన బేసిక్‌ కాన్సెప్ట్స్‌పై పట్టు సాధించండి.

* ఒకటో తరగతి నుంచి ఆరో తరగతి వరకు ప్రభుత్వ గుర్తింపు లేని స్కూల్స్‌లో చదివాను. టీఎస్‌పీఎస్సీ ఎడిట్‌ ఆప్షన్‌లో వీటికి సంబంధించిన వివరాలను ఎలా నింపాలి?         

- శ్రీను

జ: ఓటీఆర్‌ నింపేటప్పుడు ఒకటో తరగతి నుంచి ఆరో తరగతి వరకు ఉన్న కాలమ్‌లో ప్రైవేట్‌ అని పూర్తిచేసి, ఆ కాలానికి సంబంధించి తహసీల్దార్‌ సంతకం చేసిన నివాస ధ్రువీకరణ పత్రాన్ని జత చేయండి.

* నేను రెండో తరగతి వరకు సూర్యాపేటలో, మూడో తరగతి నకిరేకల్‌లో, నాలుగు, అయిదు తరగతులు  మీర్‌పేట్‌లో, ఆరు నుంచి పదో తరగతి ఉప్పల్‌లో చదివాను. నేను ఏ ప్రాంతంలో స్థానికతను పొందుతాను?

- విజయ్‌

జ: మీరు మేడ్చల్‌ స్థానికతను పొందుతారు.