ఏడాది అనుభవం కావాలట...

బీఎస్సీ రెస్పిరేటరీ థెరపీ టెక్నాలజీ పూర్తి చేశాను. ఎంఎస్సీ చేయాలంటే ఒక సంవత్సరమైనా అనుభవం ఉండాలంటున్నారు. దాని కోసం ఎక్కడ ఉద్యోగం చేయాలో తెలుపగలరు.

- మధుమిత ఆకుల

* బీఎస్సీ రెస్పిరేటరీ థెరపీ టెక్నాలజీ చదివే సమయంలో ఏదైనా రెస్పిరేటరీ థెరపీ టెక్నాలజీ కంపెనీలో ఇంటర్న్‌షిప్‌ చేసే ఉంటారు కాబట్టి, అదే సంస్థలో ఒక సంవత్సరం పనిచేసే ప్రయత్నం చేయండి. వెంటిలేటర్‌లు తయారు చేసే సంస్థల్లో కానీ, వెంటిలేటర్‌ల ఇన్‌స్టలేషన్‌ /సర్వీస్‌ చేసే సంస్థల్లో కానీ పనిచేసి, పీజీ చేయడానికి కావాల్సిన అనుభవాన్ని పొందండి. మీకు ఆసక్తి ఉంటే రెస్పిరేటరీ థెరపీ టెక్నాలజీనే కాకుండా రెస్పిరేటరీ థెరపీలో కూడా పీజీ చేసే అవకాశం ఉంది. ఒకవేళ రెస్పిరేటరీ థెరపీలో పీజీ చేయాలనుకొంటే ఏదైనా మల్టీస్పెషాలిటీ హాస్పిటల్‌లో పల్మనాలజీ/ ఇంటెన్సివ్‌ కేర్‌/ క్రిటికల్‌ కేర్‌/ అనస్తీషియాలజీ లాంటి విభాగాల్లో కనీసం ఏడాది పాటు పనిచేసి, రెస్పిరేటరీ థెరపీలో పీజీ చేసే ప్రయత్నం చేయండి. 

- బెల్లంకొండ రాజశేఖర్‌, కెరియర్‌ కౌన్సెలర్‌