ఆస్క్‌ ది ఎక్స్‌పర్ట్‌

నేను రెండో తరగతి నుంచి నాలుగో తరగతి వరకు జనగామలో; అయిదో తరగతి నుంచి పదో తరగతి వరకు ములుగులో చదివాను. ఒకవేళ గ్రూప్‌-1 పోస్టుకు ఎంపికైతే నాకు ఏ జిల్లాలో పోస్టింగ్‌ వస్తుంది?

- కవిత
జ: గ్రూప్‌-1 పోస్టులు మల్టీజోనల్‌ కిందకు వస్తాయి. ఉద్యోగ శిక్షణ పూర్తయిన తర్వాత అవి రాష్ట్ర స్థాయి పోస్టులుగా మారతాయి. కాబట్టి మిమ్మల్ని రాష్ట్రంలో ఎక్కడైనా నియమించేందుకు అవకాశం ఉంది.

ఒకటి, రెండు తరగతుల బోనఫైడ్‌ సర్టిఫికెట్‌లు లేవు. ప్రస్తుతం ఆ స్కూల్‌ కూడా నడవడం లేదు. తెలంగాణ పబ్లిక్‌ సర్వీస్‌ కమిషన్‌ దరఖాస్తులో ప్రైవేట్‌ అని నింపాలా? వెరిఫికేషన్‌ సమయంలో బోనఫైడ్‌లకు బదులుగా ఏ    సర్టిఫికెట్స్‌ను చూపించాలో తెలియజేయగలరు? 

- విష్ణువర్ధన్‌

జ: బోనఫైడ్‌ సర్టిఫికెట్లు లేకపోయినా ఆందోళన చెందాల్సిన అవసరం లేదు. ఒకటి, రెండు తరగతులకు సంబంధించి ఓటీఆర్‌లో ప్రైవేట్‌ అని నింపండి. దీంతోపాటు ఆ సంవత్సరాలకు సంబంధించి తహసీల్దార్‌ సంతకం చేసిన రెసిడెన్స్‌ సర్టిఫికెట్‌ను సిద్ధం చేసుకోండి. వెరిఫికేషన్‌ సమయంలో బోనఫైడ్‌కు బదులు రెసిడెన్స్‌ సర్టిఫికెట్‌ను చూపించాలి.

నేను 7వ తరగతి వరకు చదివిన స్కూల్‌ రంగారెడ్డి జిల్లాలో ఉండేది. ప్రస్తుతం సంగారెడ్డికి మారింది. నేను ఇప్పుడు ఏ ప్రాంతంలో స్థానికతను పొందుతాను?

-ముదిరాజ్‌

జ: ప్రస్తుతం అమలులో ఉన్న నిబంధనల మేరకు మీరు రంగారెడ్డి జిల్లాలో స్థానికతను పొందుతారు.

నేను 2020లో డిగ్రీ పూర్తిచేశాను. కానీ ఒరిజినల్‌ డిగ్రీ సర్టిఫికెట్‌ తీసుకోలేదు. ఈ కారణంగా ఎస్‌ఐ ఉద్యోగానికి చేసుకున్న దరఖాస్తును ఏమైనా తిరస్కరిస్తారా?

- విజయ్‌ కుమార్‌

జ: ప్రస్తుతం ఎటువంటి సమస్యా లేదు. మీ దరఖాస్తును తిరస్కరించరు. అయితే సర్టిఫికెట్‌ వెరిఫికేషన్‌ సమయానికి ఒరిజినల్‌ డిగ్రీ సర్టిఫికెట్‌ కచ్చితంగా మీ దగ్గర ఉండాలి.

మీ సందేహాలను పోస్ట్‌ చేయడానికి క్యూఆర్‌ కోడ్‌ స్కాన్‌ చేయండి.

help@eenadupratibha.net