మిమ్మల్ని మీరు అంగీకరిస్తున్నారా!
‘నా స్నేహితులందరూ బాగా చదువుతారు. అందరికీ మంచి మార్కులే వస్తాయి. చూడ్డానికీ బాగుంటారు. అందరిలోనూ నేనే వెనకబడ్డా.. నా పరిస్థితే దారుణంగా ఉంది...’ ఇలా ఇతరులతో పోల్చుకుని బాధపడేవాళ్లలో మీరూ ఉన్నారా?
‘నా స్నేహితులందరూ బాగా చదువుతారు. అందరికీ మంచి మార్కులే వస్తాయి. చూడ్డానికీ బాగుంటారు. అందరిలోనూ నేనే వెనకబడ్డా.. నా పరిస్థితే దారుణంగా ఉంది...’ ఇలా ఇతరులతో పోల్చుకుని బాధపడేవాళ్లలో మీరూ ఉన్నారా? అయితే మీకు ‘సెల్ఫ్ యాక్సెప్టెన్స్’ (స్వీయ అంగీకారం) నైపుణ్యం లేనట్లే.
నిజానికి ఎంతోమంది తమను తాము యథాతథంగా అంగీకరించలేరు. ఇతరులతో తమను పోల్చుకుని వాళ్లకున్న నైపుణ్యాలు, తెలివితేటలు తమకు లేవని బాధపడుతుంటారు. ఈ క్రమంలో ఆత్మన్యూనతకు గురవుతూ అనేక ఇబ్బందులనూ ఎదుర్కొంటారు. ఈ సమస్యను ఎలా అధిగమించాలంటే...
* మనం ప్రతికూలంగా ఆలోచించడం మొదలుపెడితే మన మెదడు క్రమంగా అలాంటి ఆలోచనలకే పరిమితమవుతుంది. ఆ తర్వాత ఇదే అలవాటుపడుతుంది కూడా. కొంతకాలం తర్వాత మనల్ని మనమే నిందించుకోవడం మొదలుపెడతాం. అందుకే ముందుగా మన పట్ల మనం సానుకూలంగా స్పందించడాన్ని అలవాటు చేసుకోవాలి.
* కొన్ని సందర్భాల్లో మనల్ని మనం క్షమించుకోవాలి కూడా. ‘నేనలా ప్రవర్తించాను కాబట్టి ఇక దేనికీ పనికిరాను’ అని వెంటనే ఒక నిర్ణయానికి వచ్చేయకూడదు. ఒక్కోసారి అనుకోకుండా పొరపాట్లూ, తప్పులూ చేస్తుంటాం. వాటిని పెద్ద మనసుతో సమీక్షించుకోవాలి. ఒకవేళ ఎదుటివాళ్లే తప్పు చేసి మనల్ని మన్నించమని అడిగితే క్షమిస్తాం కదా... అలాగే మన తప్పులనూ మనం మన్నించుకోవాలి. అయితే ఇదే సాకుగా తీసుకుని తప్పులు చేయడానికి అలవాటు పడటం మాత్రం మంచిది కాదు.
* రోజూ మనకు రకరకాల ఆలోచనలు వస్తుంటాయి. వాటిలో ప్రతికూల, సానుకూల ఆలోచనలు రెండూ ఉంటాయి. సానుకూల ఆలోచనలు వచ్చినట్టుగానే ప్రతికూల ఆలోచనలూ వస్తుంటాయి. అయితే దాన్నో పెద్ద తప్పుగా భావించి మనల్ని మనం నిందించుకోకూడదు.
* అందరికంటే నేనే ముందు ఉండాలనే తాపత్రయాన్ని కాస్త తగ్గించుకోవాలి. ఎందుకంటే ఆ వేగంలో ఎక్కువ పొరపాట్లు చేసి.. ఆ తర్వాత మనం ఎందుకూ పనికిరామని ప్రతికూల ధోరణిలోకి వెళ్లే ప్రమాదం ఉంది.
* అనుకోని పొరపాట్లు, వాటిని సరిదిద్దుకోవడం ఇవన్నీ సాధారణంగా అందరి విషయంలోనూ జరుగుతుంటాయి. వీటిని భూతద్దంలో చూస్తూ మనల్ని మనం నిందించుకోవడం స్వీయ అంగీకార ధోరణికి అవరోధంగా మారుతుంది.
* ప్రతి విషయంలోనూ ఇతరులతో పోల్చుకోవడం వల్ల మనల్ని మనం యథాతథంగా అంగీకరించలేం. ఇదో పెద్ద సవాలుగా మారుతుంది కూడా. కాబట్టి వీలైనంత త్వరగా ఇతరులతో పోల్చుకోవడం మానేయాలి. స్వీయ అంగీకారం నైపుణ్యాన్ని అలవరుచుకుంటే ఆత్మవిశ్వాసమూ పెరుగుతుంది.
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
యూపీఎస్సీ మిస్సయిన వారికి డిట్టో ఇన్సూరెన్స్ జాబ్ ఆఫర్
-
తెలంగాణలో నామినేషన్లు దాఖలు చేసిన పలువురు అభ్యర్థులు
-
వైకాపాకి ఓటు వేస్తే డ్రైనేజీలో వేసినట్టే: వైఎస్ షర్మిల
-
నారాయణమూర్తి మనవడికి జాక్పాట్.. ఒక్క రోజులో ₹4 కోట్లు!
-
మా ఎమ్మెల్యేలను టచ్ చేస్తే.. మాడి మసైపోతావ్: కేసీఆర్పై సీఎం రేవంత్ ఫైర్
-
‘ఇద్దరు యువ రాజుల చిత్రాన్ని’ యూపీ ప్రజలు తిరస్కరించారు: మోదీ