క్రీడలో కెరియర్‌?

బీఏ ఆనర్స్‌ పబ్లిక్‌ పాలసీ చదువుతున్నాను. క్రీడలంటే ఆసక్తి ఎక్కువ. ఐదేళ్లుగా విదేశాల్లోనూ బాక్సింగ్‌ పోటీల్లో పాల్గొన్నాను. ఈ క్రీడలోనే కెరియర్‌ను ఎంచుకోవాలంటే ఏ కోర్సు చేయాలి?

- జి.సిరి

* పబ్లిక్‌ పాలసీ లాంటి వినూత్న కోర్సును ఎంచుకొని, బాక్సింగ్‌ క్రీడలోనూ రాణిస్తున్నందుకు అభినందనలు. బాక్సింగ్‌ కొనసాగిస్తూనే, డిగ్రీనీ పూర్తి చేయండి. మనదేశంలో బాక్సింగ్‌ క్రీడలో డిగ్రీ/ పీజీ కోర్సులు అందుబాటులో లేవు. విదేశాల్లో కూడా కొద్ది వర్సిటీల్లో మాత్రమే బాక్సింగ్‌లో డిగ్రీ కోర్సులు ఉన్నాయి. యుడెమి, కోర్స్‌ఎరాల్లో బాక్సింగ్‌లో ఆన్‌లైన్‌ కోర్సులున్నాయి. డిగ్రీ చేస్తూనే, ఇలాంటివి ప్రయత్నం చేయండి. అంతకంటేముందు బాక్సింగ్‌లో ఏ రంగంలో స్థిరపడాలనుకొంటున్నారో నిర్ణయించుకొని తగిన కోర్సును విదేశాల్లో చేసే ప్రయత్నం చేయండి. బీఏ తరువాత, పబ్లిక్‌ పాలసీలో పీజీ కోర్సును విదేశాల్లో చదువుతూ, బాక్సింగ్‌లో సర్టిఫికెట్‌/డిప్లొమా/ డిగ్రీ కోర్సులు చేస్తూ, బాక్సింగ్‌లో కెరియర్‌ను కొనసాగించండి.

- ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌