కరెంట్‌ అఫైర్స్‌

మాదిరి ప్రశ్నలు

ఇస్రో ప్రతిష్ఠాత్మకంగా చేపడుతున్న మానవ సహిత అంతరిక్ష యాత్ర గగన్‌యాన్‌ మిషన్‌లో అత్యంత కీలకమైన ‘లో ఆల్టిట్యూడ్‌ ఎస్కేప్‌ మోటార్‌’ (ఎల్‌ఈఎం) పరీక్షను 2022, ఆగస్టు 10న ఎక్కడ విజయవంతంగా నిర్వహించింది?

జ: శ్రీహరికోట

ప్రపంచ ఆదివాసీ దినోత్సవాన్ని ఏ రోజున నిర్వహిస్తారు?                                      

జ: ఆగస్టు 9

ఏ రాష్ట్ర యాంటీ కరప్షన్‌ బ్యూరో (ఏసీబీ)ను రద్దు చేస్తూ ఆ రాష్ట్ర హైకోర్టు ఇటీవల తీర్పు వెలువరించింది?

జ: కర్ణాటక

చేపల చెవుల్లోని చిన్న ఎముకలైన ఓటోలిత్స్‌ సహాయంతో సముద్ర నీటి ఉష్ణోగ్రతను ఏ సంస్థకు చెందిన  శాస్త్రవేత్తలు గుర్తించారు?

జ: ఇండియన్‌ ఇన్‌స్టిట్యూట్‌ ఆఫ్‌ సైన్స్‌, బెంగళూరు

భారత్‌లో తయారైన తొలి ఉప్పునీటి లాంతర్‌ను 2022, ఆగస్టు 13న చెన్నైలో కేంద్ర శాస్త్ర సాంకేతిక శాఖ మంత్రి జితేంద్ర సింగ్‌ ఆవిష్కరించారు. ఈ లాంతర్‌కు ఏ పేరు పెట్టారు?

జ: రోష్ని

దాదాపు 5,885 మంది విద్యార్థినీ విద్యార్థులు ఎగురుతున్న భారత జాతీయ జెండా రూపంలో నిలబడి ప్రపంచంలోనే అతిపెద్ద మానవ నిర్మిత పతాకంగా గిన్నిస్‌ రికార్డు సృష్టించిన ఘటన 2022 ఆగస్టులో ఏ నగరంలో చోటుచేసుకుంది?

జ: ఛండీగఢ్‌

భారత స్టాక్‌ మార్కెట్‌ మాంత్రికుడిగా, వారెన్‌ బఫెట్‌ ఆఫ్‌ ఇండియాగా ప్రఖ్యాతి గాంచిన ప్రముఖ ఇన్వెస్టర్‌ రాకేష్‌ ఝున్‌ఝన్‌వాలా ఏ నగరంలో మరణించారు? 

జ: ముంబయి