అదనంగా ఏడాది.. సమస్యేనా?

డీఈసీఈ చేశాను. ఈ డిప్లొమా తర్వాత డిగ్రీ మొదటి సంవత్సరంలో చేరి పూర్తిచేశాను. కానీ రెండో సంవత్సరంలో చేరాలని తర్వాత తెలిసింది. ఇదేమైనా సమస్య అవుతుందా?

ఎస్‌.చిరంజీవి

సాధారణంగా మూడు సంవత్సరాల డిప్లొమా చేసినవారు డిగ్రీ రెండో సంవత్సరంలో చేరతారు. మీరు డిగ్రీ మొదటి సంవత్సరంలో చేరడం వల్ల ఇప్పుడు కానీ, భవిష్యత్తులో కానీ ఎలాంటి ఇబ్బందీ ఉండదు. కాకపోతే డిగ్రీ రెండో సంవత్సరంలో చేరిన మీ సహాధ్యాయుల కంటే ఏడాది ఆలస్యంగా మీరు డిగ్రీని పొందుతారు. దీనివల్ల ఉపయోగం ఏంటంటే- రెండు సంవత్సరాల డిగ్రీ చేసిన వారికంటే మీకు డిగ్రీ సబ్జెక్టుల్లో ప్రాథమిక అంశాలపై గట్టి పట్టు ఉంటుంది. సరైన అవగాహన లేక సంవత్సరం ఆలస్యంగా డిగ్రీని పొందుతున్నారు కాబట్టి, డిగ్రీ తరువాత సమయం వృథా అవ్వకుండా, తర్వాత ఏం చేయాలనుకుంటున్నారో ముందే నిర్ణయించుకోండి. ఇప్పటినుంచే ప్రణాళికాబద్ధంగా సిద్ధంకండి!

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌