విజువల్‌ మీడియాలో

విజువల్‌ మీడియాలో పీజీ కోర్సులు ఏ యూనివర్సిటీల్లో ఉన్నాయి? వీటిని పూర్తిచేస్తే ఉద్యోగావకాశాలు ఎలా ఉంటాయి?

జగన్నాథ్‌

విజువల్‌ మీడియాలో.. ఫొటోగ్రఫీ, వీడియోగ్రఫీ, వీడియో ఎడిటింగ్‌, యానిమేషన్‌, గ్రాఫిక్‌ డిజైన్‌ లాంటి సాంకేతిక నైపుణ్యాల్లో శిక్షణ ఇస్తారు. ఈ కోర్సు చేయడానికి విద్యార్హతలతోపాటు సృజనాత్మకత, వర్చువల్‌ రియాలిటీపై ఆసక్తి, విజువల్‌ డిస్‌ప్లేలో అవగాహన, విజువల్‌ సమాచారాన్ని క్రోడీకరించడం/ విశ్లేషించడం, బాడీ లాంగ్వేజ్‌పై అవగాహన, కమ్యూనికేషన్‌ స్కిల్స్‌, చిత్రలేఖనంపై ఆసక్తి, కంప్యూటర్‌ పరిజ్ఞానం కూడా అవసరం. విజువల్‌ మీడియా కోర్సు చేసినవారికి సినిమా, టెలివిజన్‌ రంగాల్లో, యానిమేషన్‌ స్టూడియోల్లో, అడ్వర్టైజ్‌మెంట్‌ సంస్థల్లో ఉద్యోగాలు ఉంటాయి. ఈ కోర్సుని కొన్ని ప్రభుత్వ/ ప్రైవేటు విశ్వవిద్యాలయాలతోపాటు.. కళాశాలలూ అందిస్తున్నాయి. చేరాలనుకున్న సంస్థకు ప్రభుత్వ గుర్తింపు ఉందో లేదో నిర్దారించుకోండి. విజువల్‌ మీడియాలో పీజీ కోర్సుని దిల్లీలోని జామియా మిలియా యూనివర్సిటీ, చెన్నైలోని అన్నా యూనివర్సిటీ, వేల్స్‌ యూనివర్సిటీ, మదురై కామరాజ్‌ యూనివర్సటీ, లయోలా కాలేజ్‌, డావిన్నీ మీడియా కాలేజ్‌, అహ్మదాబాద్‌లోని నేషనల్‌ ఇన్‌స్టిట్యూట్‌ ఆఫ్‌ డిజైన్‌.. తదితర సంస్థలు అందిస్తున్నాయి. కొన్ని యూనివర్సిటీల్లో ఎంఏ కమ్యూనికేషన్‌ కోర్సులో విజువల్‌ మీడియాని ఒక స్పెషలైజేషన్‌గా అందిస్తున్నారు. విజువల్‌ మీడియా లాంటి ప్రొఫెషనల్‌ కోర్సుల్ని దూరవిద్యలో కాకుండా రెగ్యులర్‌గా చదవడమే మేలు.

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌