దూరవిద్యలో ఎల్‌ఎల్‌బీ?

హైకోర్టులో ఉద్యోగం చేస్తున్నాను. ప్రమోషన్‌ కోసం ఎల్‌ఎల్‌బీ చేయాలనుకుంటున్నాను. ఈ కోర్సును దూరవిద్యలో కూడా చదవొచ్చా?  

ఎన్‌.పూర్ణచంద్రరావు

ఎల్‌ఎల్‌బీ కోర్సును దూరవిద్యలో చదివే అవకాశం లేదు. బార్‌ కౌన్సిల్‌ ఆఫ్‌ ఇండియా మార్గదర్శకాల ప్రకారం ఎల్‌ఎల్‌బీ కోర్సును రెగ్యులర్‌ పద్ధతిలోనే చదవాల్సివుంటుంది. ఏ నకిలీ విద్యాసంస్థ అయినా న్యాయవిద్యను దూరవిద్య విధానంలో అందిస్తామని చెబితే నమ్మి మోస పోకండి. మెడిసిన్‌, ఇంజినీరింగ్‌, ఎల్‌ఎల్‌బీ లాంటి ప్రొఫెషనల్‌ కోర్సులను వేటినీ దూరవిద్యలో అందించరు. ఒకవేళ ఎవరైనా అలాంటి కోర్సుల్లో చేరితే, ఆ కోర్సులకు ప్రభుత్వ గుర్తింపు ఉండదనే విషయాన్ని దృష్టిలో పెట్టుకోండి.

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌