దూరవిద్యలో ఫుడ్‌ అండ్‌ న్యూట్రిషన్‌ ?

ఎలక్ట్రానిక్స్‌ (ఈసీఈ) డిగ్రీ చదివాను. ఇప్పుడు ఫుడ్‌ అండ్‌ న్యూట్రిషన్‌ కోర్సును డిస్టెన్స్‌ /ఆన్‌లైన్‌లో చదవాలనుకుంటున్నాను. ఏ యూనివర్సిటీలు అందిస్తున్నాయి?

సీహెచ్‌ కీర్తి

* దూరవిద్యలో ఎక్కువగా ఫుడ్‌ అండ్‌ న్యూట్రిషన్‌ డిప్లొమా/ సర్టిఫికెట్‌ కోర్సులు మాత్రమే అందుబాటులో ఉన్నాయి. డిప్లొమా/ సర్టిఫికెట్‌ కోర్సులు సబ్జెక్ట్‌పై అవగాహన కల్పించడానికి మాత్రమే ఉపయోగపడతాయి కానీ, ఉద్యోగాలు పొందడానికి అంతగా ఉపయోగపడవు. ఫుడ్‌ అండ్‌ న్యూట్రిషన్‌ లాంటి ప్రొఫెషనల్‌ కోర్సులు రెగ్యులర్‌గానే చదివితేనే విషయ పరిజ్ఞానం పెరిగి విద్యా/ఉపాధి అవకాశాలు మెరుగవుతాయి. ఫుడ్‌ అండ్‌ న్యూట్రిష  న్‌లో పోస్ట్‌ గ్రాడ్యుయేట్‌ డిప్లొమా/డిప్లొమా/సర్టిఫికెట్‌ కోర్సులు ఇందిరాగాంధీ నేషనల్‌ ఓపెన్‌ యూనివర్సిటీ-న్యూదిల్లీ, డాక్టర్‌ బీఆర్‌ అంబేడ్కర్‌ ఓపెన్‌ యూనివర్సిటీ-తెలంగాణ, కాకతీయ యూనివర్సిటీ- తెలంగాణ, ఆచార్య నాగార్జున యూనివర్సిటీ-ఆంధ్రప్రదేశ్‌, డాక్టర్‌ బాబాసాహెబ్‌ అంబేద్కర్‌ ఓపెన్‌ యూనివర్సిటీ- గుజరాత్‌, అన్నామలై యూనివర్సిటీ-తమిళనాడు, సెంటర్‌ ఫర్‌ న్యూట్రిషన్‌ అండ్‌ డైటెటిక్స్‌-డిల్లీ, సింబయాసిస్‌ యూనివర్సిటీ- మహారాష్ట్రల్లో అందుబాటులో ఉన్నాయి.

ప్రొ. బెల్లంకొండ రాజశేఖర్‌, కెరియర్‌ కౌన్సెలర్‌