ఆస్క్‌ ది ఎక్స్‌పర్ట్‌

గ్రూప్‌-1కి దరఖాస్తు చేసినప్పుడు పోస్ట్‌కోడ్‌ తప్పుగా వేశాను. ఎడిట్‌ ఆప్షన్‌ ఉంటుందా?

- మాహీ

జ: ప్రస్తుతం సర్వీస్‌ కమిషన్‌ ఎటువంటి ఎడిట్‌ ఆప్షన్‌ను కల్పించలేదు. సర్టిఫికెట్‌ వెరిఫికేషన్‌కి ముందు రివైజ్డ్‌ ఆప్షన్‌ని ఇవ్వడానికి అవకాశం రావచ్చు. ఆందోళన చెందకండి.

గ్రూప్‌-1 ప్రిలిమ్స్‌ జనరల్‌ స్టడీస్‌ విభాగానికి పాత సిలబస్‌ ప్రకారం మెటీరియల్‌ చదివితే సరిపోతుందా?

- నరేష్‌

జ: కొత్త సిలబస్‌ ప్రకారమే గ్రూప్‌-1 ప్రిలిమ్స్‌కు ప్రిపరేషన్‌ సాగించండి.

ఉస్మానియా విశ్వవిద్యాలయం నుంచి హిస్టరీ, ఎకనామిక్స్‌, పొలిటికల్‌ సైన్స్‌లతో డిగ్రీ పూర్తి చేశాను. టీఎస్‌పీఎస్సీ గ్రూప్‌-1 కి దరఖాస్తు చేశాను. నోటిఫికేషన్‌లోని పోస్ట్‌ కోడ్‌ నంబర్‌ 16కి నాకు అర్హత ఉంటుందా?

-సుశాంత్‌

జ: పోస్ట్‌ కోడ్‌ నంబర్‌ 16కి కామర్స్‌/ఎకనామిక్స్‌/ గణితశాస్త్రంలో డిగ్రీ కనీసం సెకండ్‌ క్లాస్‌తో పూర్తి చేసినవారికి అర్హత ఉంది. మీరు డిగ్రీలో ఎకనామిక్స్‌ చేశారు కాబట్టి, ఈ పోస్టుకి అవకాశం ఉంది.