ఆస్క్‌ ది ఎక్స్‌పర్ట్‌

* టీఎస్‌పీఎస్సీ గ్రూప్‌-1 ప్రిలిమ్స్‌లో నెగిటివ్‌ మార్కులు ఉంటాయా? - ఒక అభ్యర్థి

జ: గ్రూప్‌-1 ప్రిలిమ్స్‌లో నెగిటివ్‌ మార్కులు ఉండవు.

* నేను 1998లో జన్మించినట్లు స్కూల్‌ బోనఫైడ్‌లో తప్పుగా నమోదైంది. ఆ ప్రాతిపదికనే పదో తరగతి మెమో జారీ అయ్యింది. దీని కారణంగా ఉద్యోగాల్లో నష్టపోతున్నాను. ఏదైనా పరిష్కార మార్గం చూపించండి. - ఒక అభ్యర్థి

జ: పదోతరగతి సర్టిఫికెట్‌లో జారీ చేసిన సంవత్సరాన్ని ప్రామాణికంగా తీసుకుంటారు. కాబట్టి ఇక చేసేదేమి ఉండదు.

* నాపై 2015లో ఎస్సీ, ఎస్టీ అట్రాసిటీ కేసు నమోదైంది. వాయిదాలకు కోర్టుకి వెళుతున్నాను. ఒకవేళ ఉద్యోగం వస్తే ఏదైనా సమస్య ఉంటుందా? - చంద్రకాంత్‌

జ: కోర్టు తీర్పును అనుసరించి చర్యలు ఉంటాయి.

* మా నాన్న ప్రభుత్వ ఉద్యోగి. నెలకు రూ.80 వేల జీతం వస్తుంది. మా కులం బీసీ-బి. నేను ప్రభుత్వ ఉద్యోగాలకు దరఖాస్తు చేసుకోవడానికి ఏ కేటగిరీ కిందికి వస్తాను? జనరల్‌ కేటగిరీ/ఓబీసీ? - సిరి

జ: క్రీమిలేయర్‌ పరిధిలోకి వస్తారు. అయినప్పటికీ ఒకసారి సంబంధిత తహసీల్దార్‌ను సంప్రదిస్తే మీకు స్పష్టత వస్తుంది.