కష్టపడి చదివాక...

ఆకాశంలోని నిండు చందమామను చూస్తే మనసుకు ఎంత హాయిగా ఉంటుందో మాటల్లో చెప్పలేం. అలాంటి అందాల జాబిల్లిని మన గదిలోనే బంధించుకునే మార్గమూ ఉంది. అదెలాగంటే.. ఈ 3డీ మూన్‌లైట్‌ ల్యాంప్‌ను గదిలో అమర్చుకుంటే చాలు... ఎక్కడో దూరాన ఉన్న చందమామ కాస్తా నేరుగా మన గదిలోకే వచ్చేసిన అనుభూతి!  

అప్పటివరకూ కష్టపడి చదువుకుని అలసిపోయిన విద్యార్థులు దీని కాంతిలో ఆదమరిచి హాయిగా నిద్రపోవచ్చు. ఈ లైటుతోపాటుగా చెక్క స్టాండు, యూఎస్‌బీ వైరూ వస్తాయి. లైటును సున్నితంగా ఒకసారి తడితే చాలు, ఆన్‌ అవుతుంది. ఆ తర్వాత ఒకదాని తర్వాత ఒకటిగా ఏడు రంగుల్లోకి మారుతుంది. రీఛార్జ్‌ చేసుకుని వాడాలి. అందుబాటు ధరల్లోనే ఉండే ఈ బుల్లి జాబిలమ్మను ఈకామర్స్‌ సైట్ల నుంచి తెప్పించుకోవచ్చు.