ఆస్క్‌ ది ఎక్స్‌పర్ట్‌

గ్రూప్‌-2 నా లక్ష్యం. కానీ, గ్రూప్‌-4 నోటిఫికేషన్‌ విడుదలయ్యే అవకాశం ఉందంటున్నారు. ఇప్పుడు గ్రూప్‌-4 సిలబస్‌పై శ్రద్ధ పెట్టాలా లేదా గ్రూప్‌-2 కి ప్రిపేర్‌ కావాలో అర్థం కావడం లేదు? పరిష్కార మార్గం చూపించండి.

- సోమా

జ: గ్రూప్‌-2 ప్రిపరేషన్‌ గ్రూప్‌-4కి కూడా సరిపోతుంది. అయితే గ్రూప్‌-4కి అదనంగా సెక్రటేరియల్‌ ఎబిలిటీస్‌ను చదవాలి. మీరు కంగారుపడకుండా రెండింటికీ ఏకకాలంలో ప్రిపరేషన్‌ను కొనసాగించండి.

2017లో ఒక భూమి విషయంలో నాపై ఐపీసీ 306, 447 కింద ఎఫ్‌ఐఆర్‌ నమోదైంది. తర్వాత లోక్‌ అదాలత్‌లో ఆ కేసును కొట్టివేశారు. గ్రూప్‌-1 దరఖాస్తులో పొరపాటున కేసు విషయంలో నేను దోషిని అని నింపాను. దీనివల్ల గ్రూప్‌-1 ఉద్యోగ సాధనకు ఏదైనా అవరోధం ఏర్పడుతుందా?

- రతన్‌

జ: ఎలాంటి అవరోధం ఉండదు. సర్టిఫికెట్‌ వెరిఫికేషన్‌ సమయంలో లోక్‌ అదాలత్‌ ఇచ్చిన తీర్పు కాపీని సమర్పించాల్సి ఉంటుంది.

నేను ఒకటి నుంచి అయిదో తరగతి వరకు గద్వాల్‌లో; ఆరు నుంచి పదో తరగతి వరకు నాగర్‌కర్నూల్‌లో చదివాను. టీఎస్‌పీఎస్సీ, ఇతర ప్రభుత్వ ఉద్యోగాలకు సంబంధించి ఏ జిల్లాలో స్థానికత పొందుతాను?

- రాజేష్‌

జ: మీరు గద్వాల్‌ జిల్లా స్థానికతను పొందుతారు.