ఆస్క్‌ ది ఎక్స్‌పర్ట్‌

నాకు టెట్‌లో 67 మార్కులు వచ్చాయి. పీహెచ్‌ అభ్యర్థిని. వినికిడి లోపం (87 శాతం) ఉంది. నాకు డీఎస్సీ రాయడానికి అర్హత ఉంటుందా?

- పొట్లపల్లి

జ: మీకు డీఎస్సీ రాయడానికి అర్హత ఉంటుంది.

నేను ఒకటి నుంచి అయిదో తరగతి వరకు హైదరాబాద్‌లో, ఆరు నుంచి పది వరకు రంగారెడ్డి జిల్లాలో చదివాను. ఆ తర్వాత డిప్లొమా హైదరాబాద్‌లో చేసి, అంబేడ్కర్‌ ఓపెన్‌ యూనివర్సిటీ నుంచి డిగ్రీ పూర్తి చేశాను. నాకు టీఎస్‌పీఎస్సీ పరీక్షలు రాయడానికి ఏ జిల్లా స్థానికత వర్తిస్తుంది?       

  - ఒక అభ్యర్థి

జ: మీరు హైదరాబాద్‌లో స్థానికత పొందుతారు.

నేను ఎస్‌ఐ పరీక్షకు ప్రిపేర్‌ అవుతున్నాను. డిగ్రీ, ఇంటర్‌ దూరవిద్యలో చేశాను. ఓపెన్‌ కేటగిరీ అభ్యర్థిని. అన్ని ప్రభుత్వ ఉద్యోగ పరీక్షలు రాయడానికి అర్హత ఉంటుందా?

- నవ్య చరగొండ్ల

జ: మీకు అన్ని ప్రభుత్వ ఉద్యోగ పరీక్షలు రాయడానికి కచ్చితంగా అర్హత ఉంది. ఏ సంకోచం లేకుండా బాగా ప్రిపేర్‌ అవ్వండి.

నేను హెల్మెట్‌ పెట్టుకోకపోవడం వల్ల ట్రాఫిక్‌ పోలీస్‌ చలానా వేశారు. ప్రభుత్వ ఉద్యోగ సాధనలో ఏదైనా సమస్య ఎదురవుతుందా?
               

  - నర్మద

జ: ఎలాంటి సమస్య ఉండదు. పరీక్షలకు దరఖాస్తు చేసి ఉంటే బాగా చదువుకోండి.