ఇది డిజిటల్‌ రఫ్‌ పాడ్‌!

విద్యార్థి నేస్తం

విద్యార్థులకు రఫ్‌ పాడ్‌ అవసరం గురించి ప్రత్యేకంగా చెప్పాల్సిన అవసరం లేదు. ముఖ్యంగా లెక్కలు చదువుకునేవారికి దీని వాడకం ఎక్కువగా ఉంటుంది. ఇదివరకూ ఒక పుస్తకాన్ని ప్రత్యేకంగా దీనికోసమే కేటాయించేవారు. కానీ ఇప్పుడు ఆ అవసరం లేకుండా డిజిటల్‌ రఫ్‌ పాడ్స్‌ అందుబాటులోకి వచ్చాయి. 15 అంగుళాల ఎల్‌సీడీ తెరతో వచ్చే దీనికి జతగా ఒక స్మార్ట్‌ పెన్‌ కూడా ఇస్తారు. దాంతో ఈ తెరపై మనకు నచ్చింది రాసుకోవచ్చు. మొత్తం నిండిపోతే సింపుల్‌గా క్లియర్‌ బటన్‌ నొక్కితే సరి! అంతా అదే చెరిగిపోతుంది. పొరపాటున చేయి తగిలి అలా చెరిగిపోకుండా మనం రాసుకునేటప్పుడు స్క్రీన్‌ను లాక్‌ చేసుకునే సౌకర్యం కూడా ఉంది. అంతేకాదు... ఈ పాడ్‌లోని రంగు, లైటింగ్‌లను ఎంతసేపు వాడినా కంటి మీద చెడుప్రభావం చూపని విధంగా తయారుచేశారు. అందువల్ల మనకు నచ్చినంత సమయం దీని సాయంతో చదువుకోవచ్చు.