డైలమాలో పడిపోతే..?
అందరికీ ఏదో సందర్భంలో ఈ తికమక ఎదురయ్యేదే. కానీ విద్యార్థులకు ఇది డైలమా సీజన్ అని చెప్పొచ్చు. ఏటా విద్యాసంస్థల్లో ప్రవేశాలు నిర్వహించే సమయంలో ఏ నిర్ణయం తీసుకోవాలో తెలియక విద్యార్థులతోపాటు తల్లిదండ్రులూ ఎటూ తేల్చుకోలేని
‘ఆ కాలేజీ బాగుంది...
కానీ ఈ కాలేజీ ఇంటికి దగ్గరగా ఉంది..’
‘ఈ కోర్సులో చేరితే త్వరగా ఉద్యోగం వస్తుంది.
కానీ అందులో ఒక సబ్జెక్ట్ నాకు నచ్చదు’
‘ఇక్కడే మంచి యూనివర్సిటీలో చేరాలో,
లేక విదేశాలకు వెళ్లాలో అర్థం కావడం లేదు’
అందరికీ ఏదో సందర్భంలో ఈ తికమక ఎదురయ్యేదే. కానీ విద్యార్థులకు ఇది డైలమా సీజన్ అని చెప్పొచ్చు. ఏటా విద్యాసంస్థల్లో ప్రవేశాలు నిర్వహించే సమయంలో ఏ నిర్ణయం తీసుకోవాలో తెలియక విద్యార్థులతోపాటు తల్లిదండ్రులూ ఎటూ తేల్చుకోలేని స్థితిలో పడి చాలా ఆలోచిస్తూ ఉంటారు. మరి దీన్ని ఎలా ఎదుర్కోవాలో, సరైన నిర్ణయం తీసుకోవడానికి ఎలాంటి చిట్కాలు పాటించాలో తెలుసుకుందామా!
అవగాహన..
ఉన్న ప్రతి అవకాశం అంగీకరించదగినదే అయ్యి, ఏది ఎంచుకోవాలో తెలియనప్పుడు కలిగే మానసిక స్థితే డైలమా. దీన్ని పూర్తిగా అర్థం చేసుకుని, మంచిచెడులు బేరీజు వేసుకుంటేనే సరైన నిర్ణయం తీసుకోగలం. ఇందుకోసం ముందు ఒకచోట మన ఆలోచనలు అన్నింటినీ వివరంగా రాసుకోవాలి. ఆప్షన్ ‘ఏ’ తీసుకుంటే ‘ఎక్స్’ లాభాలు ఉంటాయి, ఆప్షన్ ‘బీ’ తీసుకుంటే ‘వై’ నష్టం కలిగే అవకాశం ఉంది... ఇలా రాసుకుంటే పరిస్థితిపై పూర్తిగా అవగాహన వస్తుంది. దీన్నే ‘కాస్ట్ బెనిఫిట్ అనాలిసిస్’ అని కూడా అంటారు.
సమాచారం
కొన్నిసార్లు నిర్ణయం తీసుకోలేక సతమతమవుతున్నప్పుడు అదనపు సమాచార సేకరణ ఉపయోగపడుతుంది. అంటే మీకున్న చాయిస్ల గురించి పూర్తి సమాచారం తెలుసుకున్నారో లేదో సరిచూసుకోండి. నిపుణుల సలహా తీసుకోవడం, ఆన్లైన్లో వెతకడం, సీనియర్ల అభిప్రాయం తెలుసుకోవడం వంటివి ఇందుకు ఉపకరిస్తాయి. వందశాతం ఇన్ఫర్మేషన్ ఉన్నప్పుడు మనం తీసుకునే నిర్ణయాలు మరింత పకడ్బందీగా ఉంటాయి.
ఆసక్తి..
ప్రతి అవకాశంలోనూ మనకు కొన్ని ఆసక్తులు ఉంటాయి. అవేంటనేది గమనించాలి. ఇష్టమైనదాన్నే ఎంచుకునేందుకు ప్రాధాన్యం ఇవ్వాలి. ఉదాహరణకు అమ్మ మీకు బాగా నచ్చిన వంటకాలు రెండు చేేసిందే అనుకోండి, మొదట మీకు రెండింటిలో చాలా చాలా ఇష్టమైనదాన్నే తింటారు కదా! తర్వాతే రెండోది రుచిచూస్తారు. ఇక్కడ మొదటి దాన్ని ఎంచుకునేలా మిమ్మల్ని ప్రోత్సహించింది దానిపై మీకున్న ఆసక్తి. డైలమా విషయంలో కూడా ఇదే సూత్రాన్ని పాటించవచ్చు.
స్థిరత్వం
డైలమా మనల్ని ఎంతగా ఆలోచనలో పడేస్తుందంటే ఓ పట్టాన నిర్ణయాన్ని తీసుకోనివ్వదు. కానీ అన్నీ ఆలోచించి నిర్ణయం తీసుకున్నాక మళ్లీ దాన్నుంచి వెనక్కి వెళ్లడం సరికాదు, ఒకేసారి అన్ని పనులూ చేయలేం కదా! అందుకే చేసుకున్న ఎంపికలో స్థిరత్వం అవసరం. ఇంకే ఇతర విషయాలూ ఆలోచించకుండా దానికే కట్టుబడి ఉండటం వల్ల సమస్యను పూర్తిగా అధిగమించి ఆనందంగా ముందడుగు వేయగలం!
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
కెమెరామెన్కు సారీ చెప్పిన పంత్.. ఎందుకో తెలుసా?
-
చెప్పలేని విధంగా వ్యక్తిత్వ హననం.. నీకిది తగునా జగన్?: సీఎంకు వివేకా సతీమణి లేఖ
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు