ఆస్క్‌ ది ఎక్స్‌పర్ట్‌

నేను బీసీ-బీ కేటగిరీ అభ్యర్థిని. నా డేట్‌ ఆఫ్‌ బర్త్‌ జూన్‌ 30, 1973. ఇటీవల గ్రూప్‌-1కి దరఖాస్తు చేస్తే వయసు ఎక్కువనే కారణంతో తిరస్కరించారు. గ్రూప్‌-2, 3, 4 పోస్టులకు అర్హత ఉంటుందా?                           

 - ఒక అభ్యర్థి

జ: గ్రూప్‌-1 నోటిఫికేషన్‌ ప్రకారం జనరల్‌ అభ్యర్థులకు వయసు పరిమితి 44 సంవత్సరాలు. రిజర్వేషన్‌ కింద అయిదేళ్లు సడలించినా 2022 జులై 1 కటాఫ్‌ తేదీకి మీ వయసు 49 సంవత్సరాలు దాటి ఒక రోజు గడిచింది. కాబట్టి నిబంధనల ప్రకారం తెలంగాణ ప్రభుత్వం ప్రకటించే  గ్రూప్‌-1, 2, 3, 4 తదితర ఉద్యోగాలకు మీకు అర్హత ఉండదు.

ఎమ్మెస్సీ పూర్తి చేశాను. బీఈడీ చేయలేదు. నాకు గురుకుల జూనియర్‌ లెక్చరర్‌ పోస్టుకు అర్హత ఉంటుందా?                            

  - ఉపేంద్ర

జ: మీకు గురుకుల జూనియర్‌ లెక్చరర్‌ పోస్టుకు అర్హత ఉంది. పీజీటీ పోస్టులకు అర్హత ఉండదు.

టీఎస్‌పీఎస్సీ డ్రగ్‌ ఇన్‌స్పెక్టర్‌ ఉద్యోగానికి దరఖాస్తు చేయాలంటే ఫార్మసీ కౌన్సిల్‌ ఆఫ్‌ ఇండియాలో కచ్చితంగా రిజిస్టర్‌ కావాలా? పీసీఐ సర్టిఫికెట్‌ లేనివారు దరఖాస్తు చేసుకోవచ్చా?  

- మహేశ్వరి

జ: టీఎస్‌పీఎస్సీ డ్రగ్‌ ఇన్‌స్పెక్టర్‌ ఉద్యోగానికి దరఖాస్తు చేయాలంటే బీ-ఫార్మసీ సర్టిఫికెట్‌ ఉంటే సరిపోతుంది. పీసీఐ రిజిస్ట్రేషన్‌ అవసరం లేదు.

మీ సందేహాలను పోస్ట్‌ చేయడానికి క్యూఆర్‌ కోడ్‌ స్కాన్‌ చేయండి. help@eenadupratibha.net