కరెంట్‌ అఫైర్స్‌

మాదిరి ప్రశ్నలు

ఎవరెస్ట్, మకాలు పర్వతాలను కేవలం 16 రోజుల్లోనే అధిరోహించిన తొలి భారత మహిళగా ఎవరు వార్తల్లో నిలిచారు? 

జ: సవిత కంజ్వాల్‌

విశ్వంలో ఇప్పటివరకు గుర్తించిన గెలాక్సీల్లో అత్యంత పురాతనమైన గెలాక్సీని జేమ్స్‌ వెబ్‌స్పేస్‌ టెలిస్కోప్‌ ఇటీవల ఫొటో తీసింది. ఈ గెలాక్సీ పేరు ఏమిటి?

జ: గ్లాస్‌-జడ్‌ 13

భూమిపై ఉన్న 95 శాతానికి పైగా సరస్సులు, నదుల సమాచారం, వాటి నైసర్గిక స్వరూపాన్ని అత్యంత కచ్చితత్వంతో లెక్కగట్టే ఏ ఉపగ్రహాన్ని అమెరికా, ఐరోపా దేశాలు కలిసి సంయుక్తంగా అభివృద్ధి చేశాయి?

జ: స్వాట్‌

మిస్‌ ఇండియా వరల్డ్‌ వైడ్‌ - 2022 టైటిల్‌ను నెగ్గిన బ్రిటన్‌లోని భారత సంతతి యువతి ఎవరు?

జ: ఖుషీ పటేల్‌

రాష్ట్రంలో మహిళా స్వయం సహాయక సంఘాల ఉత్పత్తులకు విస్తృత మార్కెట్‌ అవకాశాలు కల్పించేందుకు తెలంగాణ పేదరిక నిర్మూలన సంస్థ (సెర్ప్‌) ఏ ప్రముఖ ఈ-కామర్స్‌ సంస్థతో ఒప్పందం కుదుర్చుకుంది?

జ: ఫ్లిప్‌ కార్ట్‌

సూర్యరశ్మితో సంబంధం లేకుండా మొక్కలు ఆహారాన్ని తయారు చేసుకునేలా నూతన ప్రక్రియ (కృత్రిమ కిరణజన్య సంయోగక్రియ)ను ఏ విశ్వవిద్యాలయ పరిశోధకులు అభివృద్ధి చేశారు?

జ: కాలిఫోర్నియా యూనివర్సిటీ

2020-21లో దేశంలో 716.083 మిలియన్‌ టన్నుల బొగ్గు ఉత్పత్తి అయిందని, 2021-22లో అది ఎంతకు పెరిగినట్లు కేంద్ర బొగ్గు శాఖ మంత్రి ప్రహ్లాద్‌ జోషీ 2022 జులైలో రాజ్యసభలో ప్రకటించారు?

జ: 778.19 మిలియన్‌ టన్నులు

2021-22 ఆర్థిక సంవత్సరంలో పెట్రోలు, డీజిల్‌ రేట్లను వరుసగా ఎన్నిసార్లు పెంచినట్లు కేంద్ర ప్రభుత్వం పార్లమెంటులో  ప్రకటించింది?

జ: 78 సార్లు, 76 సార్లు