కరెంట్‌ అఫైర్స్‌

మాదిరి ప్రశ్నలు

* ప్రపంచ బ్యాంకు ప్రధాన ఆర్థిక వేత్తగా నియమితులైన రెండో భారతీయుడిగా ఎవరు వార్తల్లో నిలిచారు? (ఈ పదవిని చేపట్టిన తొలి భారతీయుడు కౌశిక్‌ బసు)              
జ: ఇందర్‌మిత్‌ గిల్‌
* 8 వేల మీటర్ల కంటే ఎక్కువ ఎత్తు ఉన్న అయిదు శిఖరాలను అధిరోహించిన తొలి భారత మహిళగా ఎవరు ఘనత సాధించారు?
జ: ప్రియాంక మోహితే
* హోంశాఖ ప్రత్యేక కార్యదర్శి (అంతర్గత భద్రత)గా ఎవరు నియమితులయ్యారు?
జ: స్వాగత్‌ దాస్‌
* గృహహింసకు గురవుతున్న మహిళలకు తక్షణ సాయం కోసం కేంద్రం అందుబాటులోకి తెచ్చిన 181 టోల్‌ ఫ్రీ నంబర్‌కు ఏ రాష్ట్రం/కేంద్ర పాలిత ప్రాంతం నుంచి అత్యధికంగా ఫిర్యాదులు అందుతున్నట్లు కేంద్ర మహిళా, శిశు సంక్షేమ శాఖ వెల్లడించింది?

  జ: దిల్లీ
*అధిక సాంద్రత విధానంలో పత్తిని సాగు చేసే రైతులకు పెట్టుబడి ఖర్చు కోసం ఒక్కొక్కరికి ఎంత మొత్తం ప్రోత్సాహకాన్ని ఇవ్వాలని తెలంగాణ ప్రభుత్వం నిర్ణయించింది?
జ: రూ.4 వేలు
* జమ్మూకశ్మీర్‌ అసెంబ్లీ సీట్ల పునర్విభజనపై ఏర్పాటు చేసిన ఏ త్రిసభ్య కమిటీ తన తుది నివేదికలో కశ్మీర్‌ డివిజన్‌కు 47, జమ్మూ డివిజన్‌కు 43 స్థానాలను ప్రతిపాదించింది?                            
జ: సుప్రీంకోర్టు రిటైర్డ్‌ న్యాయమూర్తి  జస్టిస్‌ రంజనా ప్రకాశ్‌ దేశాయ్‌ కమిటీ
* ఏ దేశంలో 1600 అడుగుల ఎత్తు, 120 కి.మీ. పొడవు, రూ.76,600 కోట్లతో నిర్మించనున్న జంట ఆకాశహర్మ్యాలకు సంబంధించిన ప్లాన్‌ను ఇటీవల ఆ దేశ రాకుమారుడు మహమ్మద్‌ బిన్‌ సల్మాన్‌ విడుదల చేశారు? 

 జ: సౌదీ అరేబియా
* తెలంగాణ ప్రత్యేక రాష్ట్రం ఏర్పడి, తెరాస అధికారం చేపట్టి 8 ఏళ్లు పూర్తయిన సందర్భంగా 2022 జూన్‌లో రాష్ట్ర ప్రభుత్వం విడుదల చేసిన సమగ్ర విశ్లేషణ ప్రగతి నివేదిక ప్రకారం ఆరోగ్యశ్రీ పథకం అమలుకు ఈ ఎనిమిదేళ్లలో ఎంత మొత్తాన్ని ప్రభుత్వం వెచ్చించింది?                                        
జ: రూ. 5,817 కోట్లు