కరెంట్‌ అఫైర్స్‌

మాదిరి ప్రశ్నలు

* కామన్వెల్త్‌ క్రీడల చరిత్రలోనే తొలిసారిగా భారత మహిళల జట్టు 2022 కామన్వెల్త్‌ క్రీడల్లో లాన్‌ బౌల్స్‌ క్రీడలో స్వర్ణం నెగ్గింది. ఆ జట్టులోని నలుగురు సభ్యులు ఎవరు?

జ: లవ్లీ చౌబే, రూపారాణి టిర్కి, పింకీ, నయన్‌-మోనీ సైకియా

* క్వెస్‌ ఐటీ స్టాఫింగ్‌ తాజా నివేదిక ప్రకారం ప్రస్తుత ఆర్థిక సంవత్సరం (2022-23) తొలి త్రైమాసికంలో దేశంలోనే అత్యధికంగా 1,53,000 ఐటీ ఉద్యోగాలు కల్పించిన నగరం ఏది?

జ: హైదరాబాద్‌

* తెలంగాణ రాష్ట్ర గిరిజన ఆర్థిక సహకార సంస్థ (టీఎస్‌టీసీఎఫ్‌సీ) ఛైర్మన్‌గా ఎవరు నియమితులయ్యారు?

జ: ఇస్లావత్‌ రామచందర్‌ నాయక్‌

* 2019-21 నేషనల్‌ ఫ్యామిలీ హెల్త్‌ సర్వే ప్రకారం దేశంలో ఎంత శాతం మంది చిన్న పిల్లలు పోషకాహార లోపంతో బాధపడుతున్నారు?

జ: 55 శాతం

* 2022 బర్మింగ్‌హామ్‌ కామన్వెల్త్‌ క్రీడల్లో పారా పవర్‌ లిఫ్టింగ్‌లో స్వర్ణం నెగ్గిన భారత క్రీడాకారుడు ఎవరు?

జ: సుధీర్‌

* 2018-22 కాలానికి లోక్‌సభ, అసెంబ్లీ స్థానాలకు జరిగిన ఎన్నికల్లో ‘నోటా’కు ఎన్ని ఓట్లు పోలైనట్లు అసోసియేషన్‌ ఫర్‌ డెమోక్రటిక్‌ రిఫార్మ్స్‌ (ఏడీఆర్‌), నేషనల్‌ ఎలక్షన్‌ వాచ్‌ (ఎన్‌ఈడబ్ల్యూ) సంయుక్త నివేదిక వెల్లడించింది?

జ: 1.29 కోట్లు

* దేశంలోనే అత్యధిక మత్స్యకార సొసైటీలతో ఏ రాష్ట్రం రికార్డు సృష్టించింది?

జ: తెలంగాణ

* తెలంగాణలో నేతన్న బీమా పథకాన్ని మంత్రి కేటీఆర్‌ ఏ రోజున ప్రారంభించారు?

జ: 2022, ఆగస్టు 7