కరెంట్‌ అఫైర్స్‌

మాదిరి ప్రశ్నలు

* యూఈఎఫ్‌ఏ మహిళల ఛాంపియన్స్‌ లీగ్‌ బరిలోకి దిగిన తొలి భారత మహిళా ఫుట్‌బాల్‌ క్రీడాకారిణిగా ఎవరు ఘనత సాధించారు?

జ: మనీషా కల్యాణ్‌

* ఓటరుగా నమోదు చేసుకోవడానికి 18 ఏళ్లు నిండిన వారికి ఏడాదిలో ఎన్నిసార్లు అవకాశం కల్పిస్తూ ఇటీవల కేంద్ర ఎన్నికల సంఘం నిర్ణయం తీసుకుంది?

జ: 4 సార్లు (జనవరి 1, ఏప్రిల్‌ 1, జులై 1, అక్టోబరు 1)

* ఆక్స్‌ఫర్డ్‌ ఎకనామిక్స్‌ ప్రొజెక్షన్‌ నివేదిక-2022 ప్రకారం ప్రపంచంలో అత్యధికంగా జీడీపీ వృద్ధి సాధించిన టాప్‌-10 నగరాల్లో హైదరాబాద్‌ ఎన్నో స్థానంలో నిలిచింది?

జ: 2వ స్థానం (తొలిస్థానంలో వియత్నాంలోని హోచిమిన్‌ సిటీ నిలిచింది)

* దేశంలో తొలి డబుల్‌ డెక్కర్‌ ఏసీ బస్సును ఈఐవీ-22 పేరిట 2022 ఆగస్టులో ముంబయిలో ఏ సంస్థ ఆవిష్కరించింది?

జ: అశోక్‌ లేలాండ్‌

* 10 కంటే ఎక్కువ మంది పిల్లలను కనేవారికి ‘మదర్‌ హీరోయిన్‌’ పురస్కారంతో పాటు రూ.13 లక్షల రివార్డును ఇవ్వాలని ఏ దేశ ప్రభుత్వం నిర్ణయించింది?

జ: రష్యా

* విద్యుత్తు అవసరం లేకుండా అయస్కాంత శక్తితో ప్రయాణించే సరికొత్త హైటెక్‌ రైళ్లను ‘స్కై ట్రైన్స్‌’ పేరిట ఇటీవల ఏ దేశంలో విజయవంతంగా పరీక్షించారు?

జ: చైనా

* 2014లో తెలంగాణ జీఎస్‌డీపీ రూ.5.6 లక్షల కోట్లుగా ఉండగా, 2022 నాటికి ఎంత మొత్తానికి చేరినట్లు అధికారిక గణాంకాలు వెల్లడిస్తున్నాయి?

జ: రూ.11.55 లక్షల కోట్లు

* 2022 ఆగస్టులో కోల్‌కతాలో మరణించిన సమర్‌ బద్రు బెనర్జీ (92) ఏ క్రీడలో ప్రసిద్ధులు?

జ: ఫుట్‌బాల్‌

* మెలోడీ క్వీన్‌గా పేరుగాంచిన ఏ దేశానికి చెందిన దిగ్గజ గాయని నయ్యారా నూర్‌ 2022 ఆగస్టులో మరణించారు?

జ: పాకిస్థాన్‌