కరెంట్‌ అఫైర్స్‌

మాదిరి ప్రశ్నలు

* ఉపరితలం నుంచి గగనతలానికి నిలువుగా ప్రయోగించే క్షిపణి (వీఎల్‌-ఎస్‌ఆర్‌ఎస్‌ఏఎం)ను  ఒడిశాలోని చాందీపూర్‌ తీరం నుంచి డీఆర్‌డీవో, నావికాదళం సంయుక్తంగా ఏ రోజున విజయవంతంగా పరీక్షించాయి?       

జ: 2022, ఆగస్టు 23

* వన్‌ నేషన్‌ - వన్‌ ఫర్టిలైజర్‌ విధానంలో భాగంగా 2022, అక్టోబరు నుంచి దేశం మొత్తం ఒకే రకమైన బ్రాండ్‌ ఎరువులను ఏ పేరుతో విక్రయించాలని కేంద్ర ప్రభుత్వం నిర్ణయించింది?

జ: ప్రధానమంత్రి భారతీయ జన్‌ ఉర్వారక్‌ పరియోజన (ఎరువుల దుకాణాలకు ప్రధానమంత్రి కిసాన్‌ సమృద్ధి కేంద్రం అని పేరు పెట్టాలని నిర్ణయించారు.

* ఆసియాలోనే అతిపెద్ద ప్రైవేటు ఆసుపత్రిని (130 ఎకరాల విస్తీర్ణంలో  రూ.6 వేల కోట్ల ఖర్చు, 2600 పడకల సామర్థ్యంతో ఏర్పాటు చేశారు) అమృతా సూపర్‌ స్పెషాలిటీ ఆసుపత్రి పేరిట 2022, ఆగస్టు 24న ఏ నగరంలో ప్రారంభించారు?  

జ: ఫరీదాబాద్‌ (హరియాణా)

* అ రక్షణ మంత్రి రాజ్‌నాథ్‌ సింగ్‌ సలహాదారుగా ఎవరు నియమితులయ్యారు?

జ: జి.సతీష్‌ రెడ్డి

* ఆ అమెరికా అధ్యక్షుడు జో బైడెన్‌ తన ప్రభుత్వంలో దాదాపు ఎన్ని ప్రాధాన్యమైన పదవులను భారతీయ అమెరికన్లకు కట్టబెట్టినట్లు ప్రభుత్వ గణాంకాలు వెల్లడించాయి?                   

జ: 130

* సుప్రీంకోర్టు ప్రధాన న్యాయమూర్తిగా జస్టిస్‌ ఎన్‌.వి.రమణ హయాంలో సుప్రీంకోర్టు కొలీజియం వివిధ హైకోర్టులకు మొత్తం ఎంత మంది న్యాయమూర్తులను  నియమించింది?            

జ: 224

* ఉపరితలం మొత్తం పూర్తిగా నీటితో నిండి ఉన్న ఒక గ్రహాన్ని నాసాకు చెందిన టెస్‌ స్పేస్‌ టెలిస్కోప్‌ తాజాగా గుర్తించింది. ఆ గ్రహం పేరు ఏమిటి?

జ: టీవోఐ-1452బి