ఆర్థిక అంశాలపై ఒలింపియాడ్‌

విద్యార్థులకు తాము చదివే సబ్జెక్టులపైనే కాకుండా ఆర్థిక అంశాలపైనా అవగాహన ఉండాలని భావించిన ‘మ్యువిన్‌’ సంస్థ... దేశవ్యాప్తంగా ఇంటర్‌ వరకూ చదివే విద్యార్థుల కోసం ‘ఫిన్‌మానియా’ పేరుతో ఫైనాన్షియల్‌ ఒలింపియాడ్‌ నిర్వహిస్తోంది. మింట్‌, ఈక్విటాస్‌ స్మాల్‌ ఫైనాన్స్‌ బ్యాంక్‌లతో సమష్టిగా ఈ కార్యక్రమాన్ని తలపెట్టింది. విద్యార్థులకు ఆర్థిక భద్రత, బీమా, మనీ మేనేజ్‌మెంట్‌లాంటి అంశాలపై అవగాహన తీసుకురావడం, సొంతంగా ఆలోచించేలా ప్రోత్సహించడం ఈ కార్యక్రమం ముఖ్య ఉద్దేశం. పెట్టుబడి, పొదుపు, రుణం... లాంటి అనేక విషయాలను ఈ ఒలింపియాడ్‌ ద్వారా చర్చించనున్నారు.

* ఇందులో పాల్గొనేందుకు అక్టోబర్‌ 14వ తేదీ వరకూ దరఖాస్తు చేసుకోవచ్చు. హైదరాబాద్‌లో ఈ కార్యక్రమం ఆఫ్‌లైన్‌లో జరుగుతుండగా, మిగతా చోట్ల ఆన్‌లైన్‌లో నిర్వహిస్తున్నారు.

* ఇందులో మల్టిపుల్‌ చాయిస్‌ ప్రశ్నలు అడుగుతారు. జోనల్‌, నేషనల్‌ స్థాయిలో విజేతలను ప్రకటించి రూ.10 లక్షల వరకూ విలువైన బహుమతులు అందజేస్తారు.

దరఖాస్తు చేసుకోవాల్సిన వెబ్‌సైట్‌ : www.finmania.in