లైబ్రరీ

టీఎస్‌పీఎస్‌సీ గ్రూప్‌-1, 2 సిలబస్‌నూ, డిగ్రీ మూడో సంవత్సరం విద్యార్థుల కామన్‌ కోర్‌ సిలబస్‌నూ కవర్‌ చేస్తూ రూపొందించిన పుస్తకం. రాష్ట్ర, కేంద్రప్రభుత్వాల గణాంకాలు, ప్రచురణల ఆధారంగా వివిధ భౌగోళిక అంశాల తాజా డేటాను పొందుపరిచారు. తెలంగాణ 33 జిల్లాలుగా ఏర్పడ్డాక సమగ్ర వివరాలతో, విశ్లేషణలతో వెలువడిన ఈ పాఠ్యగ్రంథం కేంద్ర, రాష్ట్ర ఉద్యోగ పోటీ పరీక్షలకు సిద్ధమయ్యే అభ్యర్థులకూ, డిగ్రీ చివరి సంవత్సరం విద్యార్థులకూ ప్రయోజనకరం.  

తెలంగాణ ప్రాంతీయ భూగోళశాస్త్రం

పేజీలు: 432; వెల: రూ.213 ప్రచురణ: తెలుగు అకాడమి, హైదరాబాద్‌

పోటీ పరీక్షల కోసం సులభమైన భాషలో వివిధ రాజ్యాంగ అంశాలను దీనిలో పొందుపరిచారు. తాజా రాజ్యాంగ సవరణలు, న్యాయస్థానాల ఇటీవలి తీర్పులు, రాష్ట్రపతి- ఉపరాష్ట్రపతి ఎన్నికలు మొదలైన సరికొత్త అంశాలను చాప్టర్ల వారీగా అనుసంధానించారు. పోటీ పరీక్షల్లో కీలకమైన సంక్షేమ పాలన, రాష్ట్రస్థాయి పంచాయతీ చట్టాలు, సమాచార హక్కు, లోక్‌పాల్‌, లోకాయుక్త మొదలైన విషయాలను కూడా ఈ పుస్తకంలో చేర్చారు.

ఇండియన్‌ పాలిటీ

పేజీలు: 488; ధర: 499 ప్రచురణ: విద్వాన్‌ పబ్లికేషన్స్‌