కరెంట్‌ అఫైర్స్‌

మాదిరి ప్రశ్నలు

కేంద్ర హోంశాఖ కార్యదర్శి పదవీకాలాన్ని కేంద్ర ప్రభుత్వం రికార్డు స్థాయిలో మూడోసారి ఏడాదిపాటు పొడిగించింది. కేంద్ర హోంశాఖ ప్రస్తుత కార్యదర్శి ఎవరు?

జ: అజయ్‌ కుమార్‌ భల్లా

క్రీస్తుపూర్వం 2వ శతాబ్దానికి చెందిన తొమ్మిది అంగుళాల టెర్రకోట బొమ్మ తాజాగా తెలంగాణలో ఎక్కడ లభ్యమైంది? (దీన్ని బుద్ధుడి కథల్లో ప్రాధాన్యమున్న బౌద్ధ హారీతి విగ్రహంగా పరిశోధకులు గుర్తించారు.)

జ: సిద్దిపేట జిల్లా చేర్యాల పట్టణ శివారులోని పాటిగడ్డ

ఏ అందాల పోటీల్లో వివాహితులు, మాతృమూర్తులు   పాల్గొనేలా విప్లవాత్మక మార్పులు తీసుకొచ్చారు?

జ: మిస్‌ యూనివర్స్‌ 2023 పోటీలు

భారత్‌లో జరిగే అంతర్జాతీయ క్రికెట్‌ మండలి (ఐసీసీ) అన్ని మ్యాచ్‌ల హక్కులను 2024-2027 కాలానికి దాదాపు రూ.24 వేల కోట్లకు వేలంలో ఏ సంస్థ దక్కించుకుంది?

జ: డిస్నీ స్టార్‌

ముఖ్యమంత్రి డిజిటల్‌ సేవ యోజన పథకం కింద ఏ రాష్ట్ర ప్రభుత్వం రాష్ట్రంలోని 1.35 కోట్ల మంది  మహిళలకు స్మార్ట్‌ఫోన్లు అందించాలని     నిర్ణయించింది? 

జ: రాజస్థాన్‌