కరెంట్‌ అఫైర్స్‌

మాదిరి ప్రశ్నలు

* వాతావరణ మార్పులు, జీవవైవిధ్యం, అటవీ భూముల సంరక్షణకు పాటుపడేందుకు పర్యావరణ పరిరక్షణ కార్యక్రమాలకు రూ.24 వేల కోట్ల విలువైన తన వాటాలు, కుటుంబ వాటాలన్నింటినీ ఓ స్వచ్ఛంద సంస్థకు బదిలీ చేసిన అమెరికా బిలియనీర్‌ ఎవరు? (ఈయన పెటగోనియా ఫ్యాషన్‌ సంస్థ ఫౌండర్‌)

 జ: యోవోన్‌ చుయ్‌ నార్డ్‌

* స్మార్ట్‌ గ్రామ పంచాయతీలు - గ్రామీణ సాధికారత అనే అంశంపై 2022 సెప్టెంబరు 15, 16 తేదీల్లో రెండురోజుల పాటు జాతీయ సదస్సును కేంద్ర పంచాయతీరాజ్‌ మంత్రిత్వ శాఖ ఏ నగరంలో నిర్వహించింది?        

జ: లఖ్‌నవూ

* ఆక్స్‌ఫామ్‌ ఇండియా రూపొందించిన ‘ఇండియా డిస్క్రిమినేషన్‌ రిపోర్ట్‌ - 2022’ ప్రకారం ఉపాధి పొందడంలో పురుషులతో పోలిస్తే మహిళలు గ్రామాల్లో ఎంత శాతం లింగ భేదాన్ని ఎదుర్కొంటున్నారు?

జ: 100 శాతం (పట్టణాల్లో ఇది 98 శాతంగా ఉంది)

* 2022 సెప్టెంబరులో ఏ దేశ చట్టసభ ‘పీరియడ్‌ ప్రొడక్ట్‌ బిల్‌’ను ఆమోదించింది? (ఈ బిల్లు ప్రకారం దేశంలోని మహిళలందరికీ శానిటరీ న్యాప్‌కిన్‌లను ఉచితంగా ఇస్తారు)    

జ: స్కాట్లాండ్‌