కరెంట్‌ అఫైర్స్‌

మాదిరి ప్రశ్నలు

* ఇటీవల మరణించిన బ్రెజిల్‌కు చెందిన సాకర్‌ దిగ్గజం ఎవరు?
జ: పీలే (ఈయన మూడు ప్రపంచకప్‌ విజేత జట్లలో భాగమైన ఏకైక ఫుట్‌బాలర్‌గా ఖ్యాతి గడించారు)

* భద్రతా మండలిలో కొత్తగా చేరిన అయిదు సభ్య దేశాలు ఏవి?
జ: జపాన్‌, స్విట్జర్లాండ్‌, మొజాంబిక్‌, ఈక్వెడార్‌, మాల్టా (ఈ దేశాలు రెండేళ్ల పాటు సభ్యులుగా ఉంటాయి. 2022, డిసెంబర్‌ 31తో భారత్‌, ఐర్లాండ్‌, కెన్యా, మెక్సికో, నార్వే దేశాల సభ్యత్వం ముగియడంతో కొత్త సభ్య దేశాలు చేరాయి. అమెరికా, రష్యా, చైనా, బ్రిటన్‌, ఫ్రాన్స్‌లు శాశ్వత సభ్య దేశాలు.)

* ఇజ్రాయెల్‌ ప్రధానమంత్రిగా ఎవరు ఎన్నికయ్యారు?
జ: బెంజమిన్‌ నెతన్యాహు (73) (ఈయన ఆరోసారి ప్రధానమంత్రి బాధ్యతలను చేపట్టారు)

* 2023-25 సంవత్సరాలకు గానూ పాటించే మధ్యకాలిక వ్యూహ ప్రణాళికను ఏ పేరుతో ప్రారంభించారు?
జ: ఉత్కర్ష్‌ 2.0 (ఆర్‌బీఐ ప్రాధాన్యత అంశాలు, చేపట్టాల్సిన కార్యక్రమాలు, సాధించాల్సిన ఫలితాలు దీనిలో ఉంటాయి. 2019-2022 మధ్యకాలంలో తొలి ఉత్కర్ష్‌ను అమలు చేశారు)