కరెంట్‌ అఫైర్స్‌

మాదిరి ప్రశ్నలు

మహిళలపై హింసకు  వ్యతిరేకంగా నిర్వహించే  అంతర్జాతీయ దినోత్సవం (నవంబరు 25) సందర్భంగా 2022లో కేంద్ర ప్రభుత్వం ప్రారంభించిన సరికొత్త ప్రచార కార్యక్రమం ఏది?  

జ: నయీ చేతన

‘హిస్టరీ ఆఫ్‌ ఇండియన్‌ సైన్స్‌ అండ్‌    టెక్నాలజీ’ పేరిట ఓ ప్రాజెక్టును ప్రారంభించేందుకు ఏ రెండు సంస్థలు ఇటీవల ఒప్పందం కుదుర్చుకున్నాయి?

జ: ఐసీహెచ్‌ఆర్‌ (ఇండియన్‌ కౌన్సిల్‌ ఆఫ్‌ హిస్టారికల్‌ రిసెర్చ్‌), ఇస్రో (భారత అంతరిక్ష పరిశోధన సంస్థ)

2022 యునెస్కో ఆసియా పసిఫిక్‌ పురస్కారాల్లో భాగంగా సాంస్కృతిక వారసత్వ పరిరక్షణకు కృషి చేసినందుకు ఏ భారత సంస్థ ఎక్స్‌లెన్స్‌ అవార్డును గెలుచుకుంది?

జ: ఛత్రపతి శివాజీ మహరాజ్‌ వాస్తు సంగ్రహాలయ, ముంబయి (ఈ సంస్థను 1922లో ఏర్పాటు చేశారు)

‘డూయింగ్‌ బిజినెస్‌ ఇన్‌ ఇండియా’ నివేదికను 2022 నవంబరులో ఏ సంస్థ విడుదల చేసింది? (ఈ నివేదిక ప్రకారం పర్యావరణ పరిరక్షణకు కృషి చేస్తున్న రాష్ట్రాల్లో మహారాష్ట్ర అగ్రస్థానంలో ఉంది)

జ: యూకే ఇండియా బిజినెస్‌ కౌన్సిల్‌ (యూకేఐబీసీ)