కరెంట్‌ అఫైర్స్‌

మాదిరి ప్రశ్నలు

* 21 ఏళ్ల వయసులోనే అంతర్జాతీయ క్రికెట్‌ మండలి (ఐసీసీ) కోచ్‌గా ఎంపికైన తెలంగాణ యువతి ఎవరు? (తెలంగాణ నుంచి ఈ ఘనత సాధించిన తొలి క్రీడాకారిణి ఈమె.)

జ: బుర్రా లాస్య

* 2023, జనవరి 3 నుంచి 7 వరకు 108వ భారత సైన్స్‌ కాంగ్రెస్‌ సమావేశాలను ఎక్కడ నిర్వహించారు? (సైన్స్‌ అండ్‌ టెక్నాలజీ ఫర్‌ సస్టైనబుల్‌ డెవలప్‌మెంట్‌ విత్‌ ఉమెన్‌ ఎంపవర్‌మెంట్‌ అనే థీమ్‌తో 108వ ఇండియన్‌ సైన్స్‌ కాంగ్రెస్‌ను నిర్వహించారు)

జ: ఆర్‌టీఎమ్‌ విశ్వవిద్యాలయం, నాగ్‌పుర్‌

* కేంద్ర విద్యాశాఖ ప్రకటించిన నేషనల్‌ ఇన్‌స్టిట్యూట్‌ ర్యాంకింగ్‌ ఫ్రేమ్‌వర్క్‌ (ఎన్‌ఐఆర్‌ఎఫ్‌) - 2022లో ఓవరాల్‌ కేటగిరీలో అగ్రస్థానంలో నిలిచిన విద్యాసంస్థ ఏది? (ఈ విద్యాసంస్థ ఈ ఘనత సాధించడం ఇది వరుసగా నాలుగోసారి. ఇంజినీరింగ్‌ విభాగంలో కూడా వరుసగా ఏడోసారి అగ్రస్థానాన్ని నిలబెట్టుకుంది)

జ: ఐఐటీ మద్రాస్‌

* అడ్వాన్సింగ్‌ ఎర్త్‌ స్పేస్‌ సైన్సెస్‌ జర్నల్‌లో ప్రచురితమైన    పరిశోధనల ప్రకారం 2023లో ఏ సముద్ర తీర ప్రాంతంలో సముద్ర మట్టాలు మరీ ప్రమాదకర స్థాయిలో పెరగనున్నాయి? (పరిశోధకులు 1989 తర్వాత నుంచి ఇతర సముద్ర మట్టాల కంటే ఈ సముద్ర మట్టం శరవేగంగా పెరుగుతున్నట్లు గుర్తించారు)    

జ: మధ్యదరా సముద్రం

* ఉక్రెయిన్‌పై రష్యా యుద్ధం ఏ రోజున మొదలైంది?

జ: 2022, ఫిబ్రవరి 24